قۋانىش سۇلتانوۆ ەلباسىنىڭ جولداۋىن چەح پرەزيدەنتىنە تابىس ەتتى
قۋانىش سۇلتانوۆ پراگا قالاسىندا چ ر پرەزيدەنتى ميلوش زەمانمەن جانە چ ر پارلامەنتى دەپۋتاتتار پالاتاسى ءتوراعاسىنىڭ ورىنباسارى ۆويتەح فيليپپەن (Vojtěch Filip) كەزدەستى.
ق. سۇلتانوۆ م. زەمانعا قازاقستاننىڭ كانديداتۋراسىن 2017-2018 ج.ج. ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە ىلگەرىلەتۋ جونىندەگى ەلباسىنىڭ جولداۋىن تاپسىردى. سونىمەن قاتار، ارنايى ۋاكىل ايماقتىق جانە حالىقارالىق تۇراقتىلىق پەن قاۋىپسىزدىكتى نىعايتۋ، ونىڭ ىشىندە يادرولىق قارۋدى تاراتپاۋ جانە قارۋسىزداندىرۋ سالاسىنا قوسقان قازاقستاننىڭ ۇلەسىن، كوپجاقتى ديپلوماتيا سالاسىنداعى ەلىمىزدىڭ بەلسەندى قىزمەتىنەن حاباردار ەتتى.
كەزدەسۋدە 2014-جىلى قاراشادا چەح رەسپۋبليكاسىنىڭ پرەزيدەنتى م. زەماننىڭ قازاقستانعا جاساعان رەسمي ساپارى قورىتىندىلارى بويىنشا بەرىلگەن تاپسىرمالاردىڭ جۇزەگە اسىرۋ بارىسى تالقىلاندى.
چ ر پارلامەنتى دەپۋتاتتار پالاتاسى ءتوراعاسىنىڭ ورىنباسارىمەن سۇحبات بارىسىندا تاراپتار قازاقستان-چەح پارلامەنتارالىق قاتىناستاردىڭ تۇراقتىلىعىن اتاپ ءوتتى. سونىمەن قاتار، ق ر پارلامەنتى ءماجىلىسىنىڭ الەۋمەتتىك-مادەني دامۋ كوميتەتى مۇشەلەرىنىڭ چەح رەسپۋبليكاسىنا ساپارىنىڭ دايىندىعى تالقىلاندى.
