قازاق دالاسىنداعى كيىكتەر سانى قايتا كوبەيۋدە

دالا جانۋارىن ساقتاپ قالۋعا ۇكىمەت تاراپىنان جاسالىنىپ جاتقان جاعداي ايتارلىقتاي.

جاپان دالانىڭ كوركى بولعان ولارعا قاسكويلەردىڭ ارەكەتى تاعى بار.

قازاقستاندا كيىكتەردىڭ سانى جىلدان- جىلعا ورىستەپ كەلەدى.

جاپان دالانىڭ كوركى بولا بىلگەن جانۋاردى عالىمدار ءوز باقىلاۋىنان شىعارعان ەمەس. وتكەن جىلداعى ساناق بويىنشا، كيىكتەر سانى 150 مىڭ باستان اسقان.

ۇكىمەت ولاردى قاسكويلەردەن قورعاۋ ءۇشىن ارنايى زاڭ قابىلداعان. اڭشىلىقتا كيىكتى اتقان ادام 3 جىل باس بوستاندىعىنان ايىرىلادى. نەمەسە 200 ايلىق كورسەتكىش رەتىندە ايىپپۇل تولەيدى.

سايات يگلىكوۆ، «وحوتزووپروم» ءو ب» جانۋارلار دۇنيەسىن قورعاۋ جونىندەگى ينسپەكتور:

- كيىكتىڭ قورعالۋى جاقسى. سانى وسۋدە. ول بىلتىرعى ساناقتا كورسەتىلگەن. رەسپۋبليكا بويىنشا 156 مىڭ باس كيىك سانالدى.

كيىكتەردىڭ ءۇيىر- ۇيىرىمەن قاي ماڭدا جۇرگەندىگىن انىقتاۋ ءقازىر ماماندارعا وڭاي. ەۋروپالىق عالىمدار بۇل تىرشىلىك يەلەرىنە جەر سەرىگى ارقىلى حابار بەرىپ وتىراتىن قارعى باۋ ورناتقان. ال كيىك اۋلاۋعا كەلەتىن براكونەرلەرگە توسقاۋىل وڭاي بولماي تۇر. بەس قارۋى ساي ءارى جول تالعامايتىن كولىكتەرگە مىنگەن ولار جانۋارلار دۇنيەسىن قورعاۋشى ينسپەكتورلاردىڭ قولىنا تۇسپەي، سىتىلىپ كەتەتىن كەزدەرى كوپ بولاتىن. كەيىن ساتىپ الىنعان دجيپ كولىكتەرى ينسپەكتورلار جۇمىسىنىڭ جاندانۋىنا سەپ بولىپ وتىر.

تەمىرلان جاباسپايەۆ، «وحوتزووپروم» ءوب» جانۋارلار دۇنيەسىن قورعاۋ جونىندەگى ينسپەكتور: - بۇرىن ۋاز- بەن ءجۇرۋشى ەك. قازىر مىنا دجيپپەن. بروكونەرلەردە بىزدەن شامالى سەسكەنەتىن بولدى. جازدىڭ كۇنى 50 گرادۋس ىستىققا دەيىن موتورى شىدايدى. قىزىپ كەتپەيدى. ءبىزدىڭ ۋاز- دار 30 گرادۋس ىستىقتان كەيىن موتورى قىزادى. قايناي باستايدى. جەر شارىندا كيىكتەردىڭ سەكسەن بەس پايىزى ساقتالعان. قازاق دالاسىندا دا ونىڭ ادەمى شوعىرىن كەزدەستىرۋگە بولادى. ال ولاردى قورعاۋ ءوسىمدى ارتتىرادى.

www.khabar.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى