استانا اكىمدىگى مەملەكەتتىك باعدارلاما بويىنشا تۇرعىن ءۇيدى ساتىپ الۋدىڭ شارتتارىن ءتۇسىندىردى
دەپ حابارلادى استانا قالاسى اكىمدىگىنىڭ رەسمي سايتىندا.
بۇل باعدارلاما ەلباسىنىڭ 2014 - جىلعى 11- قاراشاداعى «نۇرلى جول - بولاشاققا باستار جول» جولداۋىندا ءسوز بولعان تۇرعىن ءۇي ساتۋ شارتتارىمەن تولىقتىرىلعان بولاتىن.
باعدارلاما شەڭبەرىندە تۇرعىن ۇيلەردى ساتۋدىڭ بىرنەشە نەگىزگى باعىتتارى كوزدەلگەن، ونىڭ ءبىرى «قازاقستاندىق يپوتەكالىق كومپانيا» يپوتەكالىق ۇيىمى» اكسيونەرلىك قوعامىنىڭ تۇرعىن ۇيلەرىن ساتۋ بولىپ تابىلادى.
2015 - جىلى استانا قالاسىندا «قازاقستاندىق يپوتەكالىق كومپانيا» يپوتەكالىق ۇيىمى» اكسيونەرلىك قوعامىمەن كەيىننەن ساتىپ الۋمەن جالدامالى تۇردە ساتۋ ءۇشىن 86 پاتەر كوزدەلگەن، ونىڭ ىشىندە:
1 شاعىن توپ ءۇشىن:
ەكى بولمەلى - 7 بىرلىك، جالپى اۋدانى 53-تەن 58 ش. م. -گە دەيىن.؛
ءۇش بولمەلى - 4 بىرلىك، جالپى اۋدانى 76-دان 80 ش. م. -گە دەيىن.؛
ءتورت بولمەلى - 33 بىرلىك، جالپى اۋدانى 94-تەن 97 ش. م. -گە دەيىن.؛
2 شاعىن توپ ءۇشىن:
ەكى بولمەلى - 6 بىرلىك، جالپى اۋدانى 53-تەن 58 ش. م. -گە دەيىن.؛
ءۇش بولمەلى - 4 بىرلىك، جالپى اۋدانى 76-دان 80 ش. م. -گە دەيىن.؛
ءتورت بولمەلى - 32 بىرلىك، جالپى اۋدانى 94-تەن 97 ش. م. -گە دەيىن.؛
كەيىننەن ساتىپ الۋمەن جالدامالى تۇرعىن ءۇي 20 جىلعا دەيىنگى مەرزىمگە بەرىلەدى (كامەلەتكە تولعانعا دەيىن اتا- انالارىنان ايىرىلعان جيىرما توعىز جاسقا تولماعان جەتىم بالالار مەن اتا- اناسىنىڭ قامقورلىعىنسىز قالعان بالالار ءۇشىن جالعا بەرۋ مەرزىمى 30 جىلعا دەيىن ۇزارتىلۋى مۇمكىن) ، وعان قوسا شامامەن جالعا بەرۋ مەرزىمى 5 جىلدى قۇرايدى (بەس جىل وتكەن سوڭ جالعا الۋشىنىڭ مەرزىمىنەن بۇرىن ساتىپ الۋعا قۇقىعى بار) .
قۇجاتتاردى قابىلداۋ كەزىندە شۋدى بولدىرماۋ ماقساتىندا جانە ازاماتتاردىڭ ىڭعايلىلىعى ءۇشىن قۇجاتتاردى قابىلداۋ e.astana.kz ۆەب- پورتال ارقىلى (ءوتىنىش بەرۋشىنىڭ ەلەكتروندىق ساندىق قولتاڭباسىن پايدالانۋمەن) ىسكە اسىرىلاتىن بولادى.
قۇجاتتاردى قابىلداۋ 2015 - جىلعى 23 - اقپاننان باستاپ 1 - ناۋرىز ارالىعىندا جۇزەگە اسىرىلاتىن بولادى.
استانا قالاسىندا «قازاقستاندىق يپوتەكالىق كومپانيا» يپوتەكالىق ۇيىمى» اق تۇرعىن ءۇيى» باعىتى بويىنشا باعدارلاماعا قاتىسۋعا قۇقىعى بار ازاماتتار ساناتى
باعدارلاماعا سايكەس بۇل باعىتتا استانا قالاسىندا كوممۋنالدىق تۇرعىن ءۇي قورىنان تۇرعىن ۇيگە مۇقتاجدىلار كەزەگىندە تۇرعان (كەزەكتەگىلەر) كەلەسى ساناتتار بويىنشا ازاماتتار عانا قاتىسا الادى:
* كوپ بالالى وتباسىلار؛
* تولىق ەمەس وتباسىلار؛
* مۇگەدەك بالاسى بار نەمەسە ونى تاربيەلەپ وتىرعان وتباسىلار؛
* جەتىم بالالار، اتا- اناسىنىڭ قامقورلىعىنسىز قالعان بالالار؛
* ورالماندار؛
* مەملەكەتتىك قىزمەتكەرلەر، اسكەري قىزمەتكەرلەر، ارناۋلى مەملەكەتتىك ورگان قىزمەتكرەلەر، بيۋدجەتتىك ۇيىم قىزمەتكەرلەرى.
بۇل باعىتتاعى قاتىسۋشىلاردى قالىپتاستىرۋ شاعىن توپتار جانە كەلەسى ولشەمدەر بويىنشا جۇرگىزىلەتىن بولادى:
1 شاعىن توپ - جوعارىدا كورسەتىلگەن ساناتتا كەزەكتە تۇرۋشىلار، كەمىندە ءۇش جىل نەكەدە تۇرعان، بالالارى بار جانە ەرلى- زايىپتىلاردىڭ ەكەۋى دە 35 جاسقا تولماعان (باعدارلاماعا قاتىسۋعا ءوتىنىش بەرگەن ساتكە) ، بالالارىن (بالاسىن) 35 جاسقا تولماعان، ونىڭ ىشىندە اجىراسقان، جەسىر اتا- انانىڭ بىرەۋى تاربيەلەيتىن تولىق ەمەس وتباسى؛
2 شاعىن توپ - جوعارىدا كورسەتىلگەن ساناتتا كەزەكتە تۇرۋشىلار، 1 شاعىن توپقا كىرمەيتىندەر.
تۇرعىن ۇيلەردى بەرۋ كەلەسى ۇيلەسىم بويىنشا ىسكە اسىرىلادى:
50% - 1 شاعىن توپ ءۇشىن؛
50% - 2 شاعىن توپ ءۇشىن.
ەگەر دە ازاماتتار تۇرعىن ۇيگە مۇقتاجدىلار كەزەگىندە ۇلى وتان سوعىسىنىڭ مۇگەدەكتەرى مەن قاتىسۋشىلارىنا تەڭەستىرىلگەن ادامدار؛ كەيبىر سوزىلمالى اۋرۋلاردىڭ اۋىر تۇرلەرىمەن اۋىراتىن ادامدار؛ مەملەكەتتىك نەمەسە قوعامدىق مىندەتتەرىن، اسكەري قىزمەتىن ورىنداۋ كەزىندە، عارىش كەڭىستىگىنە ۇشۋدى دايىنداۋ نەمەسە جۇزەگە اسىرۋ كەزىندە، ادام ءومىرىن قۇتقارۋ كەزىندە، قۇقىق ءتارتىبىن قورعاۋ كەزىندە قازا تاپقان ادامداردىڭ وتباسىلارى؛ 1 جانە 2 توپتاعى مۇگەدەكتەر؛ ۇلى وتان سوعىسىنىڭ مۇگەدەكتەرى مەن قاتىسۋشىلارى؛ ەكولوگيالىق زىلزالالار، تابيعي جانە تەحنوگەندى سيپاتتاعى توتەنشە جاعدايلار سالدارىنان تۇرعىن ۇيىنەن ايىرىلعان ادامدار؛ جالعىز تۇرعىن ءۇيى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن اۆاريالىق جاعدايدا دەپ تانىلعان ادامدار ساناتتارى بويىنشا تۇرعان بولسا، ولار بۇل باعىتتى ىسكە اسىرۋدا قاتىسا المايدى.
ءوتىنىش بەرۋشىلەرگە (ۇمىتكەرلەرگە) قويىلاتىن نەگىزگى تالاپتار
1. زاڭعا سايكەس تۇرعىن ۇيگە مۇقتاج كەزەكتە تۇرۋشى مارتەبەسىن دالەلدەۋ؛
*- قازاقستان رەسپۋبليكاسى ازاماتتىعى نەمەسە ورالمان مارتەبەسىنىڭ بار بولۋى؛
- ءوتىنىش بەرۋشى مەن ونىڭ وتباسى مۇشەلەرىنىڭ استانا قالاسىندا مەكەنجاي بويىنشا تۇراقتى تىركەۋدە بار بولۋى؛
- باعدارلاماعا قاتىسۋشىدا جانە ونىمەن تۇراقتى بىرگە تۇراتىن وتباسى مۇشەلەرىندە (ەرلى- زايىپتى، كامەلەتكە تولماعان بالالارى)، سونداي- اق ءوتىنىشتى كورسەتىلگەن جانە وتباسى قۇرامىنا ەنگىزىلگەن باسقا وتباسى مۇشەلەرىندە قازاقستان رەسپۋبليكاسى اۋماعىندا كەيىننەن ساتىپ الۋمەن جالدامالى تۇرعىن ءۇيى نەمەسە مەنشىك قۇقىعىندا (وتىنىشتە كورسەتىلگەن باسقا دا وتباسى مۇشەلەرىندە ءبىر تۇرعىن ءۇي رەتىندە جالپى بىرلەسكەن مەنشىگىندە، جالپى بىرلەسكەن مەنشىكتى قۇرايتىن ۇلەستىك مەنشىكتە ۇلەسى) تۇرعىن ءۇيى جوق بولۋى؛
- باعدارلاماعا قاتىسۋشىدا جانە ونىمەن بىرگە تۇراقتى تۇراتىن وتباسى مۇشەلەرىندە (ەرلى- زايىپتى، كامەلەتكە تولماعان بالالارى)، سونداي- اق وتباسى قۇرامىنا ەنگىزىلگەن جانە وتىنىشتە كورسەتىلگەن باسقا دا وتباسى مۇشەلەرىندە قازاقستان رەسپۋبليكاسىنىڭ اۋماعىندا وزىنە مەنشىك قۇقىعىمەن تيەسىلى تۇرعىن ءۇي- جايىن اۋىستىرعانى نەمەسە يەلىكتەن شىعارۋى ناتيجەسىندە سوڭعى بەس جىلدىڭ ىشىندە قاساقانا ناشارلاتۋى سالدارىنان مۇقتاجعا اينالۋ فاكتىسىنىڭ جوق بولۋى.
2. تۇرعىن ءۇيدى ساتىپ الۋدىڭ شارتتارى بويىنشا، كەيىننەن ساتىپ الۋمەن جانە ساتىپ الۋسىز جالعا الۋعا ءتيىستى كىرىستەرىمەن مىندەتتەمەلەردى ورىنداۋ مۇمكىندىگىن دالەلدەۋ (تولەم قابىلەتتىلىگىن باعالاۋ) .
استانا قالاسى اكىمدىگىنىڭ «ەلەكتروندىق قىزمەت» (e.astana.kz) پورتالى ارقىلى قاتىسۋشىلارمەن ءوتىنىش جانە قۇجاتتار تاپسىرۋى
ءوتىنىش تاپسىرۋ ءۇشىن تومەندەگى قاجەت:
- ءوتىنىش بەرۋشىنىڭ ە س ق كۋالاندىرىلعان، ەلەكتروندىق قۇجات نىسانىنداعى سۇرانىس؛
- نەكە قيۋ (نەكەنى بۇزۋ تۋرالى) تۋرالى (2008 - جىلعى 1 - ماۋسىمعا دەيىنگى) ، وتباسى مۇشەلەرىنىڭ قايتىس بولۋى تۋرالى (2007 - جىلعى 13- تامىزعا دەيىنگى) ، بالانىڭ تۋۋى تۋرالى (2007 - جىلعى 13 - تامىزعا دەيىنگى) كۋالىكتەرىنىڭ ەلەكتروندىق كوشىرمەسى؛
- ءوتىنىش بەرۋشىنىڭ جۇمىس ورنىنان انىقتامانىڭ ەلەكتروندىق كوشىرمەسى؛
- ءوتىنىش بەرۋشىنىڭ جۇمىس ورنىنان ءوتىنىش بەرۋشىمەن كىرىس الىنعاندىعىن راستايتىن انىقتامانىڭ ەلەكتروندىق كوشىرمەسى.
مەملەكەتتىك ەلەكتروندىق اقپاراتتىق رەسۋرس بولىپ تابىلاتىن قۇجاتتاردىڭ كەلەسى مالىمەتتەرىن ءوتىنىش بەرۋشى مەملەكەتتىك ورگانداردىڭ ۋاكىلەتتى تۇلعالارىنىڭ ەسق كۋالاندىرىلعان ەلەكتروندىق قۇجاتتار نىسانىندا ءتيىستى مەملەكەتتىك اقپاراتتىق جۇيەدەن الادى:
* ءوتىنىش بەرۋشىنىڭ جەكە باسىن كۋالاندىراتىن مالىمەتتەر؛
* نەكە قيۋ (نەكەنى بۇزۋ تۋرالى) تۋرالى (2008 -جىلعى 1 - ماۋسىمعا دەيىنگى) ، وتباسى مۇشەلەرىنىڭ قايتىس بولۋى تۋرالى (2007 - جىلعى 13 - تامىزعا دەيىنگى) ، بالانىڭ تۋۋى تۋرالى (2007 -جىلعى 13 - تامىزعا دەيىنگى) مالىمەتتەر؛
* ءوتىنىش بەرۋشىدە جانە ونىمەن بىرگە تۇراقتى تۇراتىن وتباسى مۇشەلەرىندە قازاقستان رەسپۋبليكاسى اۋماعىندا مەنشىك قۇقىعىندا نەمەسە كەيىننەن ساتىپ الۋ قۇقىعىمەن جالدامالى تۇرعىن ءۇيى بار بولۋى نەمەسە جوق بولۋى تۋرالى مالىمەت؛
* ءوتىنىش بەرۋشىنىڭ جانە ونىمەن بىرگە تۇراقتى تۇراتىن وتباسى مۇشەلەرىنىڭ استانا قالاسىندا تۇراتىنىن راستايتىن تىركەۋ جونىندەگى مالىمەت؛
* وتباسى مۇشەسىندە مۇگەدەكتىلىگى بار بولۋىن راستايتىن مالىمەت؛
* باعدارلاماعا قاتىسۋعا ءوتىنىش بەرگەن ساتتەن باستاپ كەزەك ءنومىرىن كورسەتۋمەن تۇرعىن ۇيگە مۇقتاجدىلار كەزەگىندە تۇرۋى تۋرالى مالىمەت.
سونىمەن قاتار، قاجەت بولعان جاعدايدا استانا قالاسىنىڭ تۇرعىن ءۇي باسقارماسىنىڭ قىزمەتكەرلەرىمەن ازاماتتار قوسىمشا قۇجاتتاردى ۇسىنۋ ءۇشىن شاقىرىلۋى مۇمكىن.
وتباسى قۇرامى (وتباسى مۇشەلەرى سانى) ءوتىنىش ەتكەن پاتەر اۋدانىنا اسەر ەتپەيدى، ۇمىتكەرلەر ءوز قالاۋى بويىنشا مۇمكىندىگىنشە پاتەر ءتۇرىن كورسەتەدى.
قاتىسۋشىلار اراسىنداعى ىرىكتەۋ تۇرعىن ءۇي كوميسسياسىمەن تۇرعىن ۇيگە مۇقتاجدىلار ەسەبى تىزىمىنە جانە سول كەزەككە تۇرعان كۇنىنە سايكەس جۇرگىزىلەدى.
وعان قوسا، قابىلدانعان قۇجاتتار نەگىزىندە كوممۋنالدىق تۇرعىن ءۇي قورىنان تۇرعىن ۇيگە مۇقتاجدىلار كەزەگىندەگى ازاماتتار تىزىمىنە تۇگەندەۋ بويىنشا جۇمىستار جۇرگىزىلەتىن بولادى. ەگەر دە كەزەكتە تۇرۋشىمەن ق ر بويىنشا تۇرعىن ءۇي ساتىپ العانى انىقتالاتىن بولسا نەمەسە تۇرعىن ءۇيدى يەلىكتەن شىعارۋ فاكتىسى بولسا نە بولماسا ءوتىنىش بەرگەن كەزدە ساناتى بولماعان جاعدايدا، وندا ازامات كوممۋنالدىق تۇرعىن ءۇي قورىنان تۇرعىن ۇيگە مۇقتاجدىلار كەزەگىنەن شىعارىلۋعا جاتادى.
باعدارلاما اياسىندا مەنشىككە باعدارلامانىڭ بارلىق باعىتتارى جانە قازاقستاننىڭ بارلىق وڭىرلەرى بويىنشا 1 عانا بىرلىك تۇرعىن ءۇي نەمەسە كەيىننەن ساتىپ الۋ قۇقىعىمەن جالدامالى تۇرعىن ءۇي ساتىپ الۋعا بولادى.
جالعا بەرۋ تولەمى جانە ولاردىڭ ەسەپ ايىرىسۋ سوماسىنا قاتىستى سۇراقتار تۋىنداعان جاعدايدا «قازاقستاندىق يپوتەكالىق كومپانيا» يپوتەكالىق ۇيىمى» اق وكىلدىگىنە كەلەسى تەلەفون نومەرلەرى بويىنشا حابارلاسۋ قاجەت: 799073.799072
