تارازدا «ۇلتىم باسقا، ءتىلىم قازاق!» اتتى فورۋم ءوتتى

قازاقستان حالقى اسسامبلەياسى جىلىنا ارنالعان شارادا مەملەكەتتىك ءتىلدى جەتىك مەڭگەرگەن ءتۇرلى ەتنوس وكىلدەرى ءوز مۇمكىندىكتەرىن كوپشىلىككە كورسەتتى.

فورۋمعا 10 نان استام ءتۇرلى ۇلت وكىلدەرى قاتىستى. ولار قازاق ءتىلىن قانشالىقتى جاقسى بىلەتىندەرىن بايقاتۋ ءۇشىن بارىن سالدى. ءان ايتىپ، اقىن-جازۋشىلاردىڭ تۋىندىلارىنان ۇزىندىلەر وقىدى.

ال كەيبىرى فورۋمعا كەلگەندەردى تاڭ قالدىردى. ورىس قىزى داريا دومبىرانىڭ سۇيەمەلدەۋىمەن «تۋعان جەر» ءانىن ادەمى شىرقاسا، كارىس جىگىتى «ەركە سىلقىم» كۇيىن كۇمبىرلەتە ورىنداپ بەردى. سونداي-اق بۇل شارادان جاستاردىڭ اتا-انالارى دا تىس قالماپتى.

ولار «انالار تىلەگى» كومپوزيتسياسىن ورىنداپ، ءبىر شاڭىراق استىندا تاتۋ-ءتاتتى كۇن كەشىپ جاتقانىن ماقتانىشپەن كورسەتتى.

ۆەرونيكا حان، فورۋمعا قاتىسۋشى:

- ءوزىم كارىس قىزىمىن، دەگەنمەن جانىم - قازاق. قانشا ءتىل بىلسەڭ، وزگەدەن سونشا بيىكسىڭ دەگەندەي، مەن باسقا دا تىلدەردى مەڭگەرۋگە ۇمتىلامىن. سونىمەن قازاق ءتىلى اياسىن كەڭەيتۋگە ۇمتىلامىن. مەن - ءۇش تۇعىرلى ءتىل ساياساتىن قولدايتىن جاستاردىڭ ءبىرىمىن.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى