وڭتۇستىك افريكادا پىلدەردى مينا ىزدەۋگە ۇيرەتۋدە

 بۇعان يوحاننەسبۋرگكە جاقىن ماڭداعى فەرمالاردىڭ بىرىندە الىپ جانۋارلاردى مينانى ىزدەۋگە ۇيرەتە باستاعان و ا ر بيولوگتارى سەنىمدى.

 پىلدەرگە ارنالعان «وقۋ كۋرسىن» ا ق ش- تىڭ اسكەري- زەرتتەۋ ۇيىمدارىنىڭ ءبىرىنىڭ قاتىسۋىمەن وڭتۇستىك افريكالىق «Adventures with Elephants»   كومپانياسى ۇيىمداستىرعان.

 سىناق جاساۋشىلار قازىردىڭ وزىندە ءبىرشاما ىلگەرىلەۋشىلىكە قول جەتكىزگەن سىڭايلى. 17 جاسار ءپىل چيشۋرۋ قاتار قويىلعان شەلەكتەردى يىسكەگەن كەزىندە، تروتيل سالىنعاندارىن سەزىپ توقتايدى دا، الدىڭعى اياقتارىنىڭ ءبىرىن كوتەرەدى. ەشبىر قاتەلەسكەن ەمەس.

 «بۇلاردىڭ مۇرىندارىنىڭ سەزۋ قابىلەتى عاجايىپ»، - دەپ تاڭدانادى اتالمىش كومپانيانىڭ مامانى شون حەنسمەن.

 ايتا كەتەر بولساق، العاش رەت مينادان تازارتۋعا پىلدەردى پايدالانۋ يدەياسىن انگولالىقتار قولعا العان. ولاردىڭ الدىندا 1990 -جىلدارى 30 جىلعا سوزىلعان ازاماتتىق سوعىستان كەيىن مينا كومىلگەن جەرلەردى تازارتۋ جۇمىستارى تۇرعان ەدى.

 انگولادا ۇزاق جىلدار بويى كولىك جولدارى مەن ەگىس تاناپتارىندا ءجۇرۋ وتە قاۋىپتى بولاتىن. ادامدار پىلدەردىڭ قاۋىپتى سەزىپ، ءارقاشان مينالى الاڭداردى اينالىپ وتەتىندىكتەرىن بايقاعان. ءتىپتى سول شاقتا ءپىل تۇمسىقتارىنىڭ ەرەكشە قاسيەتكە يە ەكەندىگى جايلى اڭىز دا پايدا بولعان- دى.

 بۇدان كەيىن زيمبابۆە دە پىلدەردى پايدالانا باستادى. ولاردىڭ كومەگىمەن براكونەرلەردىڭ ىزىنە ءتۇسىپ، ۇستايتىن بولعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى