ەلوردادا ءبىلىم بەرۋدىڭ ساپاسىن ارتتىرۋ جولدارى تالقىلانۋدا

فورۋم جۇمىسىن اشقان ق ر ۇلتتىق كاسىپكەرلەر پالاتاسى باسقارماسى ءتوراعاسىنىڭ ورىنباسارى نۇرجان التايەۆ ءوز سوزىندە قازاقستان كوللەدجدەرى مەن جوعارى وقۋ ورىندارىندا ەنگىزىلىپ جاتقان دۋالدى وقىتۋ جۇيەسىنە توقتالدى.

«اتالعان شارا ءبىرىنشى كەزەكتە قازاقستاندىق كاسىپكەرلەردىڭ وزدەرىنە قاجەتتى ماماندار بازاسىن الۋىنا، دۋالدى وقىتۋدا جەتەكشى ءبىلىم بەرۋ مەكەمەلەرىمەن ارىپتەستىك ورناتۋعا مۇمكىندىك جاسايدى. شەتەلدىك جانە وتاندىق ءبىلىم بەرۋ ورىندارىمەن قانشالىقتى جوعارى ارىپتەستىك ورناسا، سونشالىقتى وتاندىق ەكونوميكانىڭ دامۋىنا ۇلەس قوسار تالاپتى مامانداردى دايارلاۋعا جول اشىلادى»، - دەدى ن. التايەۆ.

فورۋم جۇمىسىنا 20 دان استام شەتەلدىك ۋنيۆەرسيتەتتەر مەن قازاقستاندىق 30 جوعارى وقۋ ورنىنىڭ وكىلدەرى قاتىسۋدا. سونداي- اق حالىقارالىق شاراعا قاتىسۋشىلار قاتارىندا ۇلى بريتانيا كەڭەسى، ا ق ش ءبىلىم بەرۋ ۇيىمى، كانادا ءبىلىم بەرۋ كونسۋلدىعى، تۇركيا ەلشىلىگى، فرانسيا كامپۋسى، حالىقارالىق نەمىس ۇيىمى بار.

 فورۋمنىڭ نەگىزگى ماقساتى - ورتا جانە جوعارى ءبىلىمدى مامانداردى دايارلاۋدىڭ قازىرگى جاي- كۇيىمەن تانىسۋ، الەمدىك جانە ەلىمىزدىڭ جەتەكشى ءبىلىم بەرۋ مەكەمەلەرىمەن ارىپتەستىك ورناتۋ، سەنىمدى سەرىكتەستىكتىڭ ءتيىمدى جولدارىن تابۋ.

 اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى