سەرىك اقسۇڭقار ۇلى ەسەنعالي راۋشانوۆتىڭ اقىندىعىنا باعا بەردى

ەسەنعاليدىڭ جىرلارىن وقىپ، ەسىمنەن تانىپ وتىرمىن! («جاس الاش» 24.02.2015  ج. ) . مىنە، قازاقتىڭ قارا ولەڭىنىڭ بيىك دەڭگەيى! ادامزاتتىڭ كوزىن ارباعان 50 ەلدىڭ قايسىسى تىزە قاعىسار ەكەن ونىمەن؟!

ەسەنعالي - 21- عاسىردىڭ ۇلى اقىنى! الاشتىڭ اتويلاعان اسقاق رۋحى كاۋىرلەر حان كەنەنىڭ باسىن كەسىپ العان كۇنى قارا اسپانعا ۇشىپ كەتكەن دەپ، ويلاۋشى ەدىم.. . قايرىلماسقا كەتتى دەپ! قازاقتىڭ قارا ولەڭىنە اينالىپ كەتكەن ەكەن عوي! مۇنداي ۇلى جىرى بار ەلدىڭ سيۆليزاتسيا كوگىنە شىرقاپ شىعىپ، تاكاپپار ادامزاتتى وزىنە جالت قاراتپاۋى مۇمكىن ەمەس!

بۇگىن «جاس الاش» گازەتىندە جارىق كورگەن ەسەنعالي راۋشانوۆتىڭ ولەڭدەرىنەن ءۇزىندى ۇسىنامىز.

ينتەرۆيۋدەن سوڭ

نەسىن قازبالادىڭ،

وشكەم دە جوق، جوق جانە مازداعانىم،

قاتەلەردى جاساۋعا مەن جاساعان

ءبىر كىسىنىڭ عۇمىرى از، قاراعىم.

اقتالام نە دەپ بۇگىن،

باقا ۋايىمىم كوپ بولدى، بولەك مۇڭىم.

جاڭساعىم مەن ءمىنىمدى تۇزەتەرگە،

مەن بىلمەيمىن قانشا ءومىر كەرەكتىگىن.

ساتپاعان قۇستار عانا،

اسىرەسە، بوزتورعاي ۇشقان دارا.

مەنىڭ ەسسىزدىكتەرىمدى قايتالاۋدى

تىلەمەيمىن دوس تۇگىل دۇشپانعا دا.

كولدەن ءوتىپ، كولدەنەڭ شولدەن ءوتىپ،

ولمەگەنمەن ءوزىڭدى ولمەلى ەتىپ،

ەل جادىنان تەزىرەك ۇمىتىلساڭ،

ەشكىم بىلمەس، تانىماس جەرگە كەتىپ.

بىزدە نەندەي الىسقا سامعار كۇش بار،

ءبارى وتپەلى - ارزۋ، وي، ارمان قۇشتار.

قالاتىنى تۇك تە ەمەس - ءبىر قۇلپىتاس،

قونىپ ۇشار قاناتى تالعان قۇستار.

baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى