عالىمدار بۋددا ءمۇسىنىنىڭ ىشىنەن ادام سۇيەگىن تاپتى
درەنتە (اسسەن) تاريحي مۇراجايىنىڭ قىزمەتكەرلەرى امەرسفورت قالاسىنداعى باس اۋرۋحانامەن بىرلەسە جۇمىس ىستەدى.
دارىگەرلەر مۇسىنشەنى كومپيۋتەرلىك توموگرافيامەن تەكسەرۋ بارىسىندا ونىڭ ىشىنەن شىرىمەۋ ءۇشىن بالزامداپ تاستاعان ادام مۇردەسى تابىلدى. بۋددولوگ ەريك برەيننىڭ پىكىرىنشە، دەنە چان- بۋدديزم مەكتەبىنىڭ وكىلى شەبەر ليۋسيۋانعا تيەسىلى.
مۇردەنىڭ قۇرساق جانە ءتوس قۋىسىن تەكسەرگەن امەرسفورتتىق گاستروەنتەرولوگ ونىڭ ىشكى اعزالارىنىڭ ورنىنا قىتاي قارپىمەن جازبا بار قاعاز سالىنعانى جانە قوقىستارمەن تولتىرىلعانىن انىقتادى. وسىلايشا، ونى قاتىرماس بۇرىن ىشكى اعزالارىن الىپ تاستاعان. كوپتەگەن بۋدديستەر ليۋسيۋان گۋرۋ ولمەگەنىنە، ونىڭ مەديتاسيانىڭ بيىك دارەجەسىنە اۋىسقانىنا سەنىمدى.
قىتاي قارپىمەن جازىلعان ءماتىن ليۋسيۋان تۋرالى مونوگرافياعا ەنگىزىلەدى. ۋنيۆەرسيتەت ونى باسىپ شىعارۋعا ازىرلىك ۇستىندە. مۋميامەن ءمۇسىن بۋداپەشتكە جەتكىزىلدى، 2015 - جىلعى مامىردا ول ۆەنگريانىڭ تاريح مۇراجايىندا كورسەتىلەتىن بولادى.
