استانانىڭ جەر تەلىمدەرىنە تولىقتاي تۇگەندەۋ جۇرگىزىلەدى
بۇل تۋرالى بۇگىن استانا اكىمى ءا. جاقسىبەكوۆتىڭ توراعالىعىمەن وتكەن ەلوردا ەكونوميكاسىن جاقسارتۋ ماسەلەلەرىنە ارنالعان جيىندا قالالىق مەملەكەتتىك كىرىستەر دەپارتامەنتىنىڭ باسشىسى ءابىلقايىر سقاقوۆ ءمالىم ەتتى.
«ءتۇرلى دەڭگەيلەردە جەردىڭ ءتيىمسىز پايدالانۋىنا قاتىستى ماسەلە ءجيى كوتەرىلەدى. جەردىڭ پايدالانىلۋىن باقىلاۋ تيىمدىلىگى وكىلەتتى ورگانداردىڭ «لاس مالىمەتتەرى» پروبلەماسىمەن كۇردەلەنگەن. بۇل وتە كوكەيتەستى ماسەلە جانە ول بارلىق مەملەكەتتىك ورگاندار مەن حالىققا قاتىستى»، - دەدى دەپارتامەنت باسشىسى.
ماسەلەن، ونىڭ اتاپ وتۋىنشە، ەلوردانىڭ سول جاعالاۋىنداعى بولاشاعى زور اۋداننان «اسىل ايماق» ج ش س- ىنە 222 گەكتار جەر اۋىل شارۋاشىلىعى ماقساتىنا بەرىلگەن. بۇل دا جەر قاتىناستارى سالاسىنداعى پروبلەمالاردى بىلدىرەدى.
«سوندىقتان دا بۇگىندە ەلوردانىڭ جەر تەلىمدەرىنە تولىقتاي تۇگەندەۋ جۇرگىزۋ قاجەتتىگى تۋىنداپ وتىر»، - دەدى ول.
اۆتور: مارلان جيەمباي
