ەندى قازاقستانعا انانديدىڭ كۇيەۋى كەلە جاتىر - فوتو
2012-جىلدان بەرى قازاقستاندا ءۇندىنىڭ تەليەۆيزيالىق كورسەتىلىمىنىڭ «كەلىن» سەريالى ۇزدىك بولىپ كەلەدى. ادەمى كەيىپكەرلەر، جاقسى دۋبلياج، ادەمى قويىلىم رەيتينگ كورسەتكىشتەرىنىڭ وسۋىنە وڭ ىقپال جاسادى.
«كەلىن» - ءۇندىستانداعى تانىمال تەلەحيكايالاردىڭ ءبىرى. كينودا الەۋمەتتىك داستۇرلەر تاقىرىبى قوزعالادى. تەلەحيكايا تۋعان ەل مەن قارا شاڭىراقتى ءسۇيىپ، اتا ءداستۇردى قۇرمەتتەۋگە شاقىرادى. بۇل تۇرعىدان العاندا، «كەلىن» تەلەحيكاياسى «قازاقستان» تەلەارناسىندا ەفيرگە شىعاتىن وتباسى مەن وتباسلىلىق قۇندىلىقتاردى دارىپتەۋگە باعىتتالعان وتاندىق «قارا شاڭىراق» تەلەحيكاياسىمەن ءساتتى ۇندەسىپ جاتىر.
سيدحارت شۋكحلا مۋمبايدا دۇنيەگە كەلگەن. 34 جاستا. بويداق. 2008-جىلدان بەرى اكتەر شەبەرلىگىن شىڭداپ كەلەدى. بۇدان بۇرىن ءسان بيزنەسىندە قىزمەت اتقارعان. سىرتقى كەلبەتى، بويى (188 س م) دا بۇل قىزمەتكە ساي كەلەدى. «جۇلدىزدارمەن ءبي بيلەۋ» شوۋىنا قاتىسقان. ۇستەل تەننيسىمەن جانە فۋتبولمەن شۇعىلدانادى. 2013-جىلى ءۇندىنىڭ تەليەۆيزيا اكادەمياسى سيدحارتقا «جىل ءارتىسى» اتاعىن بەرگەن بولاتىن. سول جىلى جىل سايىنعى «Zee Gold Awards» ت ۆ سىيلىعىنىڭ نۇسقاسى بويىنشا ول ەڭ «دەنەلى» اكتەر اتاندى. ءۇندىنىڭ «Stardust» كينو تۋرالى جۋرنالى 2014-جىلى ونى كينويندۋسترياداعى «ءۇمىت كۇتەتىن جاس اكتەرلەردىڭ ءبىرى» دەپ باعالاعان بولاتىن. ال ءۇندىنىڭ جىل سايىنعى «Filmfare Awards» كينوسىيلىعى ءۇندى تىلىندە تۇسىرىلگەن فيلمدەردەگى جەتىستىكتەرى ءۇشىن سيدحارتتى «ەرلەر دەبيۋتى-2015» سىيلىعىنا ۇسىندى. قازىرگى ۋاقىتتا سيدحارت ءۇندىنىڭ بەلگىلى پروديۋسەرى كاران دجوحارمەن ءۇش فيلمگە ءتۇسۋ ءۇشىن شارتقا قول قويدى.
