فرانسيا بيلىگى سيرياعا ۇشپاق بولعان التى ادامنىڭ ءتولقۇجاتىن تارتىپ الدى
بۇل قادام وتكەن جىلى قاراشادا فرانسۋز پارلامەنتى ماقۇلداعان لاڭكەستىككە قارسى زاڭدى قولدانۋدىڭ العاشقى جاعدايى بولدى، دەپ اتاپ كورسەتتى ەلدىڭ ءىىم باسشىسى بەرنار كازنيەۆ رەپورتەرلەرمەن اڭگىمە بارىسىندا
«ەلدەن شىعۋعا التى اكىمشىلىك تىيىم سالۋعا بۇگىن قول قويىلدى، تاعى 40 ادام وزدەرىنىڭ كەزەگىن كۇتۋدە»، - دەدى مينيستر. وسى التى ازاماتتىڭ شەتەلدىك ءتولقۇجاتتارى مەن جەكە كۋالىكتەرى جارتى جىلعا تاركىلەندى، ودان كەيىن تىيىم سالۋ الىنىپ تاستالادى.
قازىرگى كەزدە فرانسيانىڭ 1,4 مىڭعا جۋىق ازاماتى سيرياعا نەمەسە يراكقا بارۋعا نيەتتەنىپ وتىر. ەل باسشىلىعى تاياۋ شىعىستان ورالعان سودىرلار ەلەۋلى لاڭكەستىك قاۋىپ تۋعىزادى دەپ الاڭداۋدا، مۇنى پاريجدە بولعان قاڭتارداعى لاڭكەستىك اكتىلەرى قۋاتتايدى.
