تۇرىك دارىگەرلەرى ميداعى ىسىككە پىشاقسىز وتا جاسادى
تۇركيانىڭ بىرنەشە قالاسىندا ورنالاسقان ەمدەۋ ورتالىقتارىنىڭ ماماندارى كەز كەلگەن دەرتتەن ايىقتىرۋعا قاۋقارلى.
«مەديكالپارك» كلينيكاسىندا كارديوحيرۋرگيا، ونكولوگيا، ترانسپلانتاتسيالاۋ، جىلىك مايىن اۋىستىرۋ سەكىلدى قىزمەتتەر جولعا قويىلعان.
استانالىق ەركىن بەيبىتحان - اپلاستيكالىق انەميانىڭ اۋىر تۇرىنە شالدىققان 3 جاسار قىزىنا ەم ىزدەپ تۇركياعا بارعان وتانداستارىمىزدىڭ ءبىرى. شامامەن ءبىر جىل كەزەكتە تۇرىپ، شەتەلدە ەمدەلۋ ءۇشىن مەملەكەتتىك كۆوتا كۇتكەن جاس وتباسى اقىرى ىستامبۇلداعى كلينيكاعا جەڭىلدىك العان.
«بالامدى 5 اي دايىندادى. مەنىڭ جىلىك مايىمدى الىپ، اۋىستىردى. وسىدان 3 جۇما بۇرىن جاسادى. ەندى ناتيجەسىن كۇتىپ وتىرمىز. مەنىڭ كلەتكالارىمنىڭ قىزىمنىڭ دەنەسىندە ءوسىپ- جەتىلۋىن كۇتىپ وتىرمىز»، - دەيدى ول.
ەركىن سىندى تالايعا ءۇمىت وتىن ۇيالاتقان - «مەديكالپارك» كلينيكالار جەلىسى. 1995 - جىلى تۇركيادا ىرگەسى قالانعان ورتالىقتىڭ 2 اۋرۋحانا كەشەنى، 13 كلينيكاسى مەن 2 مەديتسينا ورتالىعى بار.
«الەمگە ايگىلى «مەديكالپارك» ەمحانالار جۇيەسى كەزدەسەتىن دەرتتىڭ 90 پايىزىنا جۋىعىن ەمدەپ، ناۋقاستىڭ ساۋىعىپ كەتۋىنە بارىن سالاتىن ساناۋلى مەكەمەلەردىڭ ءبىرى. بۇل كلينيكانىڭ باستى ەرەكشەلىگى ميداعى ىسىككە پىشاقسىز وتا جاسالادى. ناۋقاستار الدىمەن قارالىپ، كەيىن ارنايى قوندىرعى ورنالاسقان جەرگە جىبەرىلەدى. «Gamma knife» نەمەسە ساۋلەلى پىشاق دەپ اتالاتىن قۇرىلعى ارقىلى ميدىڭ سىر بەرگەن قاباتىنا بىردەن 300 ساۋلە تۇسىرىلەدى. وپەراتسيا تولىعىمەن مامانداردىڭ باقىلاۋىندا بولادى. ەگەر بارلىعى ويداعىداي وتسە ناۋقاس بىردەن ۇيىنە جىبەرىلۋى مۇمكىن.
تۇرىك ماماندارى پاركينسون اۋرۋىن ەمدەۋ ءۇشىن اعزاعا ارنايى باتارەيا ورناتىپ، ادامنىڭ قيمىلىن شيراق ەتەدى، دەپ حابارلايدى ك ت ك.
