قازاقستاندىق ونىمدەر شەتەلدىك تالاپقا جاۋاپ بەرەدى

كوپتەگەن مامانداردىڭ ايتۋىنشا، بۇل ءداندى-داقىل ءزايتۇن مايىنان كەم تۇسپەيدى، ءتىپتى پايدالىلىعى ودان دا جوعارى. باعاسى دا ءتيىمدى.

سودان بولار، «ماسلودەل» كومپانياسىنىڭ جاڭا ءونىمى دۇكەن سورەلەرىنەن ءوز ورنىن تابا ءبىلدى.

ناتاليا سولوحينا، «ماسلودەل» كومپانياسىنىڭ باس تەحنولوگى:

- كۇنىنە ءبىر قاسىق راپس مايىن قولدانۋ ارقىلى ادام اعزاسىنا قاجەتتى ماي قىشقىلدارىنىڭ ورنىن تولتىرا الادى. بۇل -  دەنساۋلىعىنا ءمان بەرەتىن ايەلدەر قاۋىمى ءۇشىن وتە پايدالى ماي ءتۇرى.

نارىقتا 15 جىلدان بەرى جۇمىس جاساپ جاتقان «ماسلودەل» كومپانياسىنىڭ ءبىرجىلدىق ءوندىرىس قۋاتى 350 مىڭ توننانى قۇرايدى. قازاقستان نارىعىنداعى قويىتىلعان ءسۇتتىڭ -  33, سارىمايدىڭ 22  پايىزى ەلىمىزدىڭ ءتورت وڭىرىندە بوي كوتەرگەن ءىرى زاۋىتتا وندىرىلەدى. ءبىر كەلى سارى ماي دايىنداۋ ءۇشىن شامامەن 10 ليتر ءسۇت قاجەت.

«ماسلودەل» ونىمدەرىنىڭ باعاسى دا، ساپاسى دا وسى ەسەپتەۋلەرگە ساي كەلەدى. مۇنى بيوحيميالىق ساراپتاما قورىتىندىسى راستاپ وتىر. 2012-جىلى وتاندىق كومپانيا IQNET سەرتيفيكاتتاۋىنان سۇرىنبەي ءوتتى.

بۇل دەگەنىمىز، كاسىپورىن ونىمدەرى حالىقارالىق ساپا جانە قاۋىپسىزدىك تالاپتارىنا جاۋاپ بەرەدى. ەكى مىڭعا جۋىق بىلىكتى مامان مەن 20 ساۋدا بولىمدەرى تۇتىناتىن شيكىزات پەن ماتەريالدارىنىڭ 97 پايىزى وتاندىق وندىرىستەن الىنادى. كاسىپورىننىڭ بۇگىنگى قارقىنى وسىنداي. ەكسپورتتىق الەۋەتى دە كۇن ساناپ ارتىپ كەلەدى.

«ماسلودەل» ونىمدەرى كورشى رەسەيدە، قىتاي مەن قىرعىزستان نارىعىندا ۇلكەن سۇرانىسقا يە. ەندەشە وتاندىق ءبىر ءونىم شەتەلدە شەت قالماي، تۇتىنۋشى كوڭىلىنەن شىعىپ وتىر.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى