اڭىز تۇلعا كەتبۇقا تۋرالى جيناقتىڭ تۇساۋى كەسىلدى
شىڭعىسحانعا ۇلى جوشىنىڭ قازاسىن كۇيمەن جەتكىزگەن دە وسى - كەتبۇقا.
دەگەنمەن ونىڭ ءومىرى جايلى قيلى پىكىرلەر ايتىلادى. استانادا بەلگىلى مەملەكەت جانە قوعام قايراتكەرلەرى مەن عالىمدارىنىڭ قاتىسۋىمەن وتكەن جيىندا «ابىز تۇلعا، اڭىز تۇلعا - كەتبۇقا» جيناعىنىڭ تۇساۋى كەسىلدى.
«قازاقتىڭ كەتبۇقاسى» قوعامدىق بىرلەستىگىنىڭ قولعا الۋىمەن جارىققا شىققان جيناق كوپشىلىككە اتا- بابالارىمىزدىڭ تاريحى جايلى اقپار بەرەدى. بۇل كىتاپتى شىعارۋ ءۇشىن عالىمدار كەتبۇقاعا قاتىستى دەرەكتەردى فرانسۋز، اراب- ماملۇك مۇراعاتتارىنان ىزدەپ تاپقان. كەتبۇقا شامامەن 1195 - جىلى قازىرگى ەرتىس وزەنىنىڭ بويىندا دۇنيەگە كەلگەن. ول - تۇرىكتەكتى نايمان تايپاسىنان شىققان اسا ءىرى تۇلعالاردىڭ ءبىرى.
جامبىل ارتىقبايەۆ، تاريح عىلىمدارىنىڭ دوكتورى:
- بۇل جيناق - كەتبۇقاتانۋداعى ءبىرىنشى قادام، ءبىرىنشى كىتاپ. ءبىزدىڭ كاسىبي تاريحشىلار ءۇشىن بۇگىنگى باسقوسۋ ۇلكەن ءبىر ساباق. ويتكەنى ءبىز كەتبۇقا تۇلعاسى ارقىلى ورتا عاسىرلاردى تانيمىز.
www.24.kz
