قىتاي مەملەكەتتىك سىيلىعىنىڭ لاۋرەاتى اكبار ءماجيت: ق ح ا باستاماسىن قازاقستاندىقتار عانا ەمەس، كورشىلەس مەملەكەتتەر دە قولدايدى
بۇل تۋرالى تانىمال جازۋشى، قىتاي حالىقتىق ساياسي كەڭەسىنىڭ مۇشەسى اكبار ءماجيت ايتتى.
«قازاقستان - ورتالىق ازيانىڭ «التىن كوپىرى» عانا ەمەس، ول ايماقتاعى تۇراقتىلىق پەن كەلىسىمنىڭ بەسىگى. سوندىقتان، ەلدەگى تىنىشتىقتىڭ ساقتالۋى - قازاقستاندىقتاردىڭ باستى قۇندىلىعى. قازاقستان حالقى اسسامبلەياسىنىڭ باستاماسى دەر ۋاقىتىندا كوتەرىلىپ وتىر. مەنىڭ ويىمشا، اتالعان شەشىمدى قازاقستاندىقتار عانا ەمەس، كورشىلەس مەملەكەتتەر دە قولدايدى»، - دەدى ول.
جازۋشى قازاقستاننىڭ قىتايمەن ەكونوميكالىق، ساياسي، مادەني-گۋمانيتارلىق ىنتىماقتاستىعى وتە بەلسەندى دامىپ كەلە جاتقانىن ايتتى. بۇعان ەكى مەملەكەت كوشباسشىلارىنىڭ دوستىعى دا سەپتىگىن تيگىزىپ وتىر.
اكبار ءماجيت - ق ح ر جازۋشىلار وداعىنىڭ جانە 2014 - جىلدىڭ قىركۇيەگىندە قازاقستاندا قۇرىلعان الەم حالىقتارى جازۋشىلارى وداعىنىڭ مۇشەسى، قىتاي مەملەكەتتىك سىيلىعىنىڭ لاۋرەاتى، ق ح ر جازۋشىلار وداعىنىڭ «قىتاي جازۋشىلارى» جۋرنالىنىڭ باس رەداكتورى. قىتاي تىلىندە جازادى، 28 كىتاپتىڭ اۆتورى، سونىڭ ىشىندە، ول اباي شىعارمالارىن اۋدارعان.
