گەننادي گولوۆكينگە ارناپ شاپان تىكتىرگەن كىم - فوتو
گەننادي گولوۆكيننىڭ الدىڭعى كەزدەسۋگە كيگەن شاپانى بوكسشى جانكۇيەرلەرى تاراپىنان قىزۋ تالقىعا تۇسكەن بولاتىن. سەبەبى ول شاپان قازاق حالقىنىڭ شاپانىنا قاراعاندا، وزگە ۇلتتىڭ شاپانىنا كوبىرەك ۇقسايدى.
ءبىراق رينگكە كيىپ شىققان باسقا شاپاندارىنان قازاقتىڭ ويۋ-ورنەگى انىق بايقالادى.
دەسە دە «اكەم - ورىس، انام - كورەيالىق، ءوزىم - قازاقپىن» دەيتىن گەننادي گولوۆكينگە ءابدىماجيت سىزدىقبەكوۆ ارنايى شاپان تىكتىرىپ، ونى يەسىنە ۇسىنۋ ءۇشىن استانا اۋەجايىنان موناكوعا اتتانىپ كەتكەن. كاسىپكەردىڭ موناكوعا شاپانمەن بىرگە كەتكەنىنەن قۇلاعدار بولعان حالىق «گولوۆكين بۇل شاپاندى كيە مە، جوق پا؟» دەگەن سۇراققا دا باس قاتىرعان بولاتىن.
«گولوۆكيننىڭ بۇرىن كيگەن شاپانى وزبەكتىكى دەپ كوپ داۋ تۋدى. سوندىقتان وسى كەزدەسۋگە ارنايى قىمبات ماتادان شاپان تىگىپ الىپ كەلدىم. كومانداسىنا تاپسىردىم»، - دەپ جۋرناليستەرگە سۇحبات بەرگەن كاسىپكەردىڭ سىيىن گەننادي قابىل الدى. وتانداسىمىز ءۇشىن جەڭىسپەن اياقتالعان كەشەگى وتكەن كەزدەسۋگە گولوۆكين قازاقى ويۋ-ورنەكپەن ارلەنگەن ءدال وسى شاپاندى كيىپ شىقتى.
massaget.kz
