الماتىدا تاۋ شاڭعىسى سپورتى بويىنشا «كۇمىس ەڭلىكگۇل» حالىقارالىق جارىسى ءوتىپ جاتىر - فوتو

 جارىستارعا ارمەنيا، گرۋزيا، قىرعىزستان، ۋكراينا، وزبەكستان، فرانسيا جانە قازاقستاننان بارلىعى 60 سپورتشى قاتىسۋدا. ولاردىڭ ىشىندە 26 شاڭعىشى قازاقستاننىڭ نامىسىن قورعايدى. ايەلدەر مەن ەرلەر اراسىندا وتەتىن باسەكەلەر - سلالوم، الىپ سلالوم، سۋپەر الىپ سلالوم جانە سۋپەر- كومبيناتسيا سەكىلدى سپورت تۇرلەرى بويىنشا وتەدى.

 ايتا كەتەلىك، «كۇمىس ەڭلىكگۇل» تۋرنيرى حالىقارالىق شاڭعى سپورتى فەدەراتسياسىنىڭ (FIS) كۇنتىزبەگىنە ەنگەن. دەمەك، قاتىسۋشىلارعا ۇپاي جيناۋعا، رەيتينگ ءۇشىن جانە الەم بىرىنشىلىگىنە جولداما الۋ ءۇشىن كۇرەسۋگە مۇمكىندىك بەرەدى.

الماتى قالالىق سپورت جانە دەنە شىنىقتىرۋ باسقارماسىنىڭ جەتەكشىسى حايىربولات حايداروۆ بۇل تۋرنير تۇڭعىش رەت الەمدە 1961 -جىلى ۇيىمداستىرىلعانىن ايتتى. ال قازاقستاندا بۇدان 7 جىل بۇرىن قولعا الىنعان. ەندى جىلداعى ءداستۇر بويىنشا 25 - اقپان كۇنى تۋرنير اياسىندا تاۋ شاڭعى سپورتىنىڭ ارداگەرلەرى اراسىندا دا سايىس ۇيىمداستىرىلادى.

 جارىس 27 - اقپانعا دەيىن جالعاسادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى