رەسەي مەن يران ازايىپ بارا جاتقان امۋر جولبارىسى مەن ازيالىق ءىلبىستى بىرگە قورعاماق
مۇنداي ۋاعدالاستىققا ر ف تابيعاتتى قورعاۋ ءمينيسترى سەرگەي دونسكويدىڭ يرانعا اپتا سوڭىندا جاساعان ساپارى بارىسىندا يران ۆيتسە-پرەزيدەنتى، قورشاعان ورتانى قورعاۋ ۇيىمىنىڭ باسشىسى ماسۋمە ەبتەكارمەن كەزدەسۋدە قول جەتتى، دەپ حابارلادى اتالعان مينيسترلىكتىڭ باسپا ءسوز قىزمەتىنەن.
رەسەيدە تىرشىلىك ەتەتىن امۋر جولبارىسى كاسپي وڭىرىندە ⅩⅩعاسىردىڭ ورتاسىندا جويىلىپ كەتكەن تۋران جولبارىسىنا گەنەتيكالىق جاعىنان جاقىن. يران ۆيتسە-پرەزيدەنتى موحامماد دجاۆاد موحامماديزادە 2010-جىلى پەەتەربۋرگتا وتكەن ەكولوگيالىق سامميتتە تۋران جولبارىسىن ءوسىرۋدى قولعا الۋعا كاسپي ماڭى ەلدەرىنەن كومەك سۇراعان. ول كەزدە رەسەي ۇكىمەتىنىڭ باسشىسى بولعان ۆ. پۋتين قازاقستان مەن يرانعا تۇران جولبارىسىن بەرىپ، وزگە ازايىپ بارا جاتقان اڭدارمەن الماستىرۋعا دايىن ەكەنىن حابارلاعان.
