گەننادي گولوۆكين جانكۇيەرگە ۇناماعان شاپانىن اۋىستىردى - فوتو
دەپ حابارلايدى 24.kz.
«گەننادي گولوۆكيننىڭ جەكپە-جەككە شىققاندا كيىپ جۇرگەن شاپانى جانكۇيەرلەرگە ۇناماي قالعان بولاتىن. ونىڭ شاپانى قازاقتىڭ ۇلتتىق ويۋ-ورنەگىمەن بەزەندىرىلمەگەنى تۋرالى كوپ سىن ايتىلعان. سول سەبەپپەن بوكسشىعا قازاقى ناقىشتا شاپان ۇسىناتىندار
تابىلدى»، دەلىنگەن تەلەارنا تاراتقان حاباردا.
ابدىجاميت ساتتارۇلى ەسىمدى ازامات استانا اۋەجايىنان گولوۆكيننىڭ كەزەكتى جەكپە-جەگىنە جانكۇيەر بولۋ ءۇشىن بارعان. بۇل جولى ول اتاقتى بوكسشىمىزعا قازاقى ناقىشپەن بەزەندىرىلىپ تىگىلگەن شاپانىن الا بارعان.
«كەشەگى وتاندىق بوكسشىمىزدىڭ ميۋررەيمەن جۇدىرىقتاسۋىندا شىققان شاپانىنىڭ بۇرىنعىدان باسقاشا ەكەنىن اڭعارعان بولارسىزدار؟! جانكۇيەرلەر جەرلەسىمىزدىڭ جەڭىسىنە ءبىر قۋانسا، قازاقى ناقىشتاعى شاپان كيگەنىن كورىپ ودان بەتەر ريزا بولدى»، -دەيدى ءا.ساتتار ۇلى.
