ايىپ تۇراعىندا تۇرعان كولىكتەر قوجايىندارىنا تەگىن قايتارىلاتىن بولدى
قىرىق ەكى جاستاعى شىمكەنتتىك تۇرعىن ساكەن ءامىروۆ ايىپتۇراقتاعى ەسكى ماشينالاردى يەلەرىنە ايىپپۇلسىز قايتارادى دەگەندى ەستىگەلى تۇراققا كەلۋىن جيىلەتكەن.
ول وسىدان ونشاقتى جىل بۇرىن قويىلعان كولىگىن الىپ كەتە الماعانداردىڭ قاتارىندا. ءاۋ باستا قاراجاتى بولماعان. كۇن وتە كەلە ايىپپۇل مولشەرى ەسكى كولىك قۇنىنان اسقان سوڭ، ءۇمىتىن ءۇزىپتى. الايدا، تەگىن بەرسە، جوندەتىپ، ىنىلەرىمە سىيلار ەدىم دەيدى.
ال، ل ت د- تۇرمىس مەكەمەسىندەگىلەر بۇل ءالى ۇسىنىس قانا، شەشىم الداعى ۋاقىتتا قابىلدانادى دەپ وتىر. قالاي دەگەنمەن وڭدى باستامانى قولدايتىندار كوپ. تەرەزەلەرى سىنعان، ءتىپتى كەيبىرىنىڭ ىشىنە تال ءوسىپ كەتكەن اۆتوكولىكتەردىڭ كوبى جوندەۋگە جارامسىزدىعى جاسىرىن ەمەس. ال، قوقىسقا تاستاۋعا زاڭ كوتەرمەيدى. وسى جەردە قۇر قاڭقاسى بولسا دا، زاڭدى يەلەرىنە تەگىن قايتارۋ ۇسىنىسى تۋدى دەيدى جاۋاپتى ماماندار.
نۇرالى جولداس، شىمكەنت قالاسىنداعى ايىپتۇراق باسشىسى:
2006-2010 - جىلى تۇسكەن اۆتوكولىكتەر 160 سانىن قۇراپ تۇر. ءارتۇرلى جاعدايدا. اپاتتى جاعدايدا، ورتەنگەندەرى بار اراسىندا. سول سەبەپتى ءبىزدىڭ اۆتوتۇراقتا ورىن جەتىسپەۋىمەن بايلانىستى، ءورت جاعدايىنىڭ الدىن- الۋ ماقساتىندا قۇزىرلى ورىندارعا ۇسىنىس بەرىپ وتىرمىز. ماشينالاردى يەلەرىنە اقىسىز بەرۋدى.
ايىپتۇراققا وسىدان ون جىل بۇرىن تۇسكەن كەڭەس داۋىرىندەگى بەلگىلى «زاپوروجەتس» ، «موسكۆيچ» ، «جيگۋلي» سەكىلدى كەيبىر اۆتوكولىكتەردىڭ زاۋىتتان شىعارىلعانىنا 40 جىلدان اسىپ كەتكەن. تيىسىنشە ايىپپۇلدىڭ مولشەرى كولىك قۇنىنان بىرنەشە ەسە ارتىق. ايىپتۇراققا جاۋاپتى ل د ت- تۇرمىس مەكەمەسىندەگىلەر وزدەرىنىڭ بەرگەن ۇسىنىسىنا قۇزىرلى ورىنداعىلار تۇسىنىستىكپەن قاراپ، جۋىق ارادا وڭ شەشىمىن تابادى دەگەن ۇمىتتە.
«31-ارنا»
