عالىمدار اجىمدەردى كەتىرەتىن شوكولاد ويلاپ تاپتى
ول شوكولادار ادام اعزاسىنداعى انتيوكسيدانت كونسەنتراتسياسىن كوبەيتۋ جانە قان اينالىم جۇيەسىن ينتەنسيۆتەندىرۋ ارقىلى اجىمدەردىڭ ءتۇزىلۋى مەن تەرىنىڭ سالبىراۋىن باياۋلاتادى ەكەن.
Lycotec كومپانياسى ارقان بالىق (لوسوس) فيلەسىندە قانشا انتيوكسيدانت بولسا، سالماعى 7,5 گرامدىق Esthechoc شوكولاد تاقتاسىندا سونشا انتيوكسيدانت بولاتىندىعىن جانە بوس راديكالدارمەن كۇرەسەتىن كاكاو پوليفەنولى بار ەكەندىگىن مالىمدەدى.
ەرىكتىلەر شوكولادتى ءبىر اي بويى كۇندەلىكتى قولدانعاننان كەيىن ولاردىڭ قان اينالىمى ەداۋىر جاقسارعان. كلينيكالىق سىناقتار اياقتالعاننان كەيىن 50-60 جاستاعى ەرىكتىلەردىڭ تەرىسى 20-30 جاستاعى ادامنىڭ تەرىسىندەي جاسارعان. الايدا Esthechoc-تىڭ كەڭ اۋقىمدى ساتىلىمعا شىعۋى ەكىتالاي. سونداي- اق ونىڭ باعاسى دا ءالى جاريالانعان جوق.
