نيگەريادا تىرىسقاق دەرتى دەندەۋى مۇمكىن
جۇقپالى اۋرۋعا شالدىعۋ وقيعالارى نيگەريانىڭ وڭتۇستىك-شىعىسىنداعى ەبوني شتاتىندا تىركەلگەن.
«اماچي قالاسىندا ءتورت ادام باقيلىق بولدى، ال ەدوميا مەن يكەلەگۋ قالالارىندا ءبىر-ءبىر ادامنان كوز جۇمدى. سونداي-اق ءبىز سەگىز ادامدى اۋرۋحاناعا جاتقىزدىق، قازىر ولار مەديتسينالىق ورتالىقتاردىڭ بىرىندە ءتيىستى ەم قابىلداپ جاتىر»، - دەگەن دەنساۋلىق ساقتاۋ جانە اۋرۋدى باقىلاۋ دەپارتامەنتىنىڭ باسشىسى كريستيان اچي ادامداردىڭ بارلىعى تىرىسقاق دەرتىنەن كوز جۇمعان بولۋى كەرەك دەگەن بولجامىن ايتىپ وتىر.
تىرىسقاق جۇقپالى اۋرۋىن Vibrio cholerae باكتەريالارى قوزدىرادى.
