سەنات دەپۋتاتتارى ءوز شىعىندارىن قىسقارتادى

«ءبىز بۇكىل شىعىندارىمىزدى وڭتايلاندىرىپ وتىرمىز. كەستە بويىنشا دەپۋتاتتار وڭىرلەرگە شىعىپ، سايلاۋشىلارمەن كەزدەسۋى ءتيىس، ءوزىمىز قابىلداعان زاڭداردىڭ ورىندالۋ بارىسىمەن تانىسامىز. ءبىز وڭىرلەرگە جاسايتىن ءىس-ساپارلارىمىزدى قىسقارتۋدى ءجون دەپ وتىرمىز. شەتەلگە جوسپارلانعان ءىس-ساپارلارىمىزدى قايتا قاراستىردىق. سەنات كەلەسى جىلعا بارلىق شىعىندارىن وڭتايلاندىرۋ بويىنشا قاجەتتى جۇمىس جاسادى»، - دەدى ت. ابايدىلدين.

سەنات دەپۋتاتى ەلەۋسىن ساعىندىقوۆ حابارلاعانداي، جالپى پارلامەنت 2 ميلليردتان استام قارجىنى قىسقارتىپ وتىر.

«تەك قانا مينيسترلىكتەر ەمەس، پرەزيدەنت اكىمشىلىگىندە دە، پارلامەنتتە دە، سونىڭ ىشىندە سەناتتا دا شىعىنداردى قىسقارتۋ كوزدەلىپ وتىر. قازىر وسىعان بايلانىستى زاڭ جوباسى قارالۋدا. جول ءجۇرۋ، اۆتوكولىكتى ۇستاۋ جانە تاعى دا باسقا ماقساتتارعا جۇمسالاتىن قارجى وڭتايلاندىرىلادى»، - دەپ ناقتىلادى دەپۋتات.

ايىمگۇل ابىلەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى