تالعات بيگەلدينوۆ تۋرالى دەرەكتى فيلمنىڭ كورسەتىلىمى ءوتتى

كەڭەس وداعىنىڭ ەكى مارتە باتىرى تۋرالى كينو تۋىندى ماسكەۋدە ۇلى جەڭىستىڭ 70 جىلدىعىن اتاپ ءوتۋ شاراسى اياسىندا رەسەيدەگى قازاقستان ەلشىلىگىنىڭ قولداۋىمەن كورسەتىلدى. ۆاسيلي گەورگيادە ۇ و س اياقتالعاندا دۇنيەگە كەلگەن. بالا جاسىنان ۇشقىش بولۋدى ارمانداعان ول سول كەزدە كينوتەاترلاردا ءجيى كورسەتىلەتىن ۇشقىشتار تۋرالى فيلمدەردى كورىپ وسەدى.

ەكى مارتە كەڭەس وداعىنىڭ باتىرى تالعات بيگەلدينوۆ تۋرالى جاڭا دەرەكتى فيلمدى تاماشالاۋعا كەلگەن ك س ر و- نىڭ ەڭبەك سىڭىرگەن ۇشقىشى الىستا قالعان بالالىق سەزىمنىڭ بۇگىن قايتا ورالعانىن ايتىپ وتىر.

ۆاسيلي گەورگيادە، ك س ر و- نىڭ ەڭبەك سىڭىرگەن ۇشقىشى: - ءبىز سول كەزدە تالعات بيگەلدينوۆ سىندى باتىر تۇلعالاردىڭ ەرلىگىن كوكىرەگىمىزگە توقىپ وستىك. مەن جەتى جاسىمدا تالعات بيگەلدينوۆ سەكىلدى ۇشقىش بولۋدى ارماندادىم. ناتيجەسىندە ارمانىم ورىندالىپ، اسپانعا كوتەرىلدىم. كوزى تىرىسىندە اتى اڭىزعا اينالعان قىران باتىردىڭ سوعىسۋ ءادىسى وسى كۇنگە دەيىن ۇشقىشتاردى تاڭ قالدىرادى.

20 جاسىندا كوك اسپاندا سامعاپ، جاۋدىڭ ۇرەيىن قاشىرعان قازاقتىڭ قىرانى كەڭەس وداعىندا ۇشقىشتاردان العاشقى بولىپ «قارا اجال» دەپ اتالىپ كەتكەن شابۋىلداۋشى «ي ل-2» ۇشاعىمەن ليۋفتۆاففەنىڭ جويقىن ۇشاعىن جويىپ جىبەرەدى. كەيىن بۇل تاكتيكانى وزگە ۇشقىشتار پايدالانادى. وسىلايشا 305 رەت اسكەري شابۋىلعا شىعىپ، جاۋدى جەر مەن اسپاندا تالقانداعان تالعات بيگەلدينوۆ 23 جاسىندا كەڭەس وداعىنىڭ باتىرى اتاعىن ەكى مارتە يەلەنەدى. كاۆكاز بەن ۋكراينانى ازات ەتكەن. العاشقىلاردىڭ ءبىرى بولىپ جاۋدىڭ ۇياسى بەرلينگە جەتەدى.

ايتا كەتۋ كەرەك، قازىرگى كورەرمەندى اسىرەسە جاستاردى قىزىقتىرۋ ءۇشىن جاڭا دەرەكتى فيلمدە زاماناۋي تەحنولوگيالار كەڭىنەن قولدانىلعان. كوزسىز ەرلىك كورسەتكەن قىران قازاق قان مايداننان امان-ەسەن ورالعان سوڭ، تۋعان ەلىنىڭ دامۋىنا ولشەۋسىز ۇلەس قوسادى. جالپى باتىردىڭ تاعدىرى تۋرالى باياندالاتىن دەرەكتى لەنتا 38 مينۋت جالعاسادى. ارينە وسى ۋاقىت ىشىندە ومىردە بولعان بارلىق وقيعالاردى قامتۋ مۇمكىن ەمەس. ءبىراق فيلمدى جاساۋشىلار كوزدەگەن ماقساتتارىنا جەتتى.

ولجاس ادىلبەك، رەسەي ق م اسكەري ۋنيۆەرسيتەتىنىڭ كۋرسانتى: - تالعات بيگەلدەنوۆ اتامىزدىڭ ەرلىگى جاس ۇرپاققا ۇلگى بولماق. اۆياتسيا گەنەرال-مايورى، كەڭەس وداعىنىڭ ەكى مارتە باتىرى، «بارىس» وردەنىنىڭ يەگەرى ۇلى جەڭىستىڭ 70 جىلدىعىنا جەتى اي قالعاندا دۇنيەدەن ءوتتى.

اۆتورلارى: رۋسلان وسپان، تيمۋر التىنبايەۆ

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى