قازاقستان مەن ا ق ش قىلمىستىق ىستەر بويىنشا ءوزارا قۇقىقتىق كومەك كورسەتۋ تۋرالى شارتقا قول قويدى
كەلىسسوزدەر بارىسىندا تاراپتار قۇقىقتىق ىنتىماقتاستىقتىڭ بارلىق باعىتتارى بويىنشا ەكىجاقتى قارىم-قاتىناستى ودان ءارى تەرەڭدەتۋگە، سونداي-اق قالىپتاسقان ارىپتەستىكتى ودان ءارى دامىتۋ ءۇشىن شارتتىق-قۇقىقتىق نەگىزدى نىعايتۋعا ءوزارا مۇددەلىلىك ءبىلدىردى. سۇحباتتاسۋشىلار زورلىق ەكسترەميزمگە قارسى ءىس-ارەكەت جاساۋ بويىنشا بولىپ وتكەن سامميت جونىندە پىكىر الماستى. تاراپتار وسىنداي عالامدىق فورۋمنىڭ وتكىزىلۋى جاڭا الەم قاۋىپ-قاتەرلەرىنىڭ الدىن الۋ بويىنشا ءتيىستى شارالار دايىنداۋدا ەلەۋلى قادام بولىپ سانالاتىنىن اتاپ ءوتتى.
سونداي-اق تاراپتار ۆەدومستۆوارالىق قارىم-قاتىناستى ودان ءارى كەڭەيتۋگە، قازاقستان جانە ا ق ش قۇقىقتىق جۇيەلەرى اراسىنداعى ىنتىماقتاستىقتى جوعارى دەڭگەيگە جەتكىزۋگە دايىندىعىن ءبىلدىردى. قىلمىستىق ىستەر بويىنشا ءوزارا قۇقىقتىق كومەك تۋرالى شارتقا قول قويۋ قازاقستاننىڭ باس پروكۋرورى ا. داۋىلبايەۆتىڭ ا ق ش- قا جاساعان ساپارىنىڭ قورىتىندىسى بولدى.
بۇل - امەريكا قۇراما شتاتتارىنىڭ ورتالىق ازيا ەلدەرىمەن قول قويعان وسى سيپاتتاعى العاشقى كەلىسىمى. تاراپتار قۇجاتقا قول قويۋ قىلمىسقا قارسى تۇرۋ سالاسىنداعى ەكىجاقتى ارىپتەستىكتى نىعايتۋداعى ماڭىزدى قادام ەكەندىگىن ايتىپ، ەكى جاقتىڭ دا قىلمىستىق-قۇقىقتىق سالاداعى قۇزىرەتتى ورگاندارىنىڭ جۇمىس تيىمدىلىگىن ارتتىرۋعا ىقپالداستىق ەتەتىنىن العا تارتتى.
