نۇرتاس ادامبايەۆ ۇزدىك ايەل ءرولى ءۇشىن جۇلدەدەن ءۇمىتتى

سونىمەن، «ۇزدىك ەر ادام ءرولى» نوميناتسياسى بويىنشا ازامات نىعمانوۆ («شىتىرمان»)، يۋري پومەرانتسيەۆ («اپتاسىنا ءبىر رەت»)، تاحير وماروۆ («بولۋ نەمەسە بولماۋ») جانە نۇرلان ءالىمجانوۆ («تۇيىق شەڭبەردى بۇزۋ») ۇمىتكەر اتانىپ وتىر. «ۇزدىك ايەل ادام ءرولى» نوميناتسياسى بويىنشا سىيلىققا ماقپال يسابەكوۆا («قۋىلعان»)، عازيزا ابدىنابيەۆا («كەمپىر»)، نۇرتاس ادامبايەۆ («سابينا كەلىن») جانە مارقۇم ليا نەلسكايا («ءبىر كەمپىردىڭ حيكاياسى») ۇسىنىلدى.

«ەكىنشى پلانداعى ۇزدىك ەر ادام ءرولى نوميناتسياسى بويىنشا كينوسىنشىلار سىيلىق يەسىن ەۆگەني جۇمانوۆ («ءبىر كەمپىردىڭ حيكاياسى»)، باۋىرجان قاپتاعاي («قوجايىندار»)، ءابۋناسىر سەرىكوۆ («ابايلاڭىز، سيىر!»)، بايكەنجە بەلبايەۆ («قازاقشا توناۋ») سياقتى اكتەرلەردىڭ اراسىنان تاڭدايدى. ال ەكىنشى پلانداعى ايەل ءرولىن ۇزدىك سومداعانى ءۇشىن جۇلدەدەن مىنا اكتريسالار ءۇمىتتى: تاتيانا تارسكايا («ءبىر كەمپىردىڭ حيكاياسى»)، گالينا پيانوۆا («ناعيما»)، ءاليا زاينالوۆا («قوجايىندار») جانە اينۇر ءىلياسوۆا («سابينا كەلىن»).

بۇعان دەيىن «سىنشىلار تاڭداۋى» اتتى قازاقستان كينوسىنىڭ مارافونى باستالعانى حابارلانعان بولاتىن. 4- اقپاننان باستاپ، 7- ناۋرىزعا دەيىن 2014-جىلى پروكاتقا شىققان نەمەسە فەستيۆالدەرگە قاتىسقان قازاقستاندىق 20 كينو كورسەتىلەدى. مارافوننان سوڭ «سىنشىلار تاڭداۋى» تۇڭعىش سىيلىعى تابىس ەتىلەدى.

ايتا كەتەيىك، قازاقستان كينوسىنشىلار قاۋىمداستىعى 2014-جىلى «ورتالىق ازيا كينەماتوگرافيا ورتالىعى» قوعامدىق قورىنىڭ بازاسىندا ەلىمىزدىڭ كينو سىنى مەن كينو جۋرناليستيكاسى سالاسىنداعى ساراپشىلارىنىڭ تاۋەلسىز بىرلەستىگى رەتىندە قۇرىلدى. ونىڭ قۇرامىنا گۇلنار ابىكەيەۆا، ولەگ بورەتسكي، كارىم قادىربايەۆ، ولگا مالىشيەۆا، تولەگەن بايتوكەنوۆ، يننا سمايلوۆا جانە دميتري موستوۆوي كىرەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى