قازاقستاندا مەملەكەتتىك دەڭگەيدە سپورت عىلىمي-زەرتتەۋ ينستيتۋتىن قۇرۋ قاجەت

ونىڭ ايتۋىنشا، بۇگىنگى تاڭدا ساپالى عىلىمي زەرتتەۋلەرسىز ۇلكەن سپورتتا جوعارى جەتىستىككە جەتۋ مۇمكىن ەمەس.

«مەن كەزىندە الماتى ۋنيۆەرسياداسىنىڭ مۇراسى رەتىندە سپورت عىلىمي زەرتتەۋ ينستيتۋتىن قۇرۋ قاجەتتىگى جونىندە ق ر پرەمەر-ءمينيسترىنىڭ ورىنباسارى بەردىبەك ساپاربايەۆقا دا حات جازىپ ەدىم. نەگىزى، ەلىمىزدە ق ر پرەزيدەنتىنىڭ قاۋلىسى بويىنشا مۇنداي ينستيتۋتتى قۇرۋ جوسپارلانعان. ول 2005-جىلعا دەيىنگى مەملەكەتتىك سپورت باعدارلاماسىندا ايقىن كورسەتىلگەن. ءبىراق، وكىنىشكە قاراي، ەلباسىنىڭ قاۋلىسى ورىندالماي كەلەدى»، - دەدى ق. زاكىريانوۆ.

ونىڭ ايتۋىنشا، قازىر الداعى ۋنيۆەرسياداعا ارنالىپ سالىنىپ جاتقان جاڭا سپورت كەشەندەرىنىڭ بىرىنەن 1000 شارشى مەترلىك ورىن بەرىلسە جەتكىلىكتى.

«مەن بۇگىن ق ر ءبىلىم جانە عىلىم مينيسترلىگىنىڭ عىلىم كوميتەتىنەن ءتيىستى حات الدىم. بۇل كوميتەتتىڭ قانداي دەرەكتەرگە سۇيەنىپ جازعانىن بىلمەيمىن. ءبىراق، حاتتا «قازاقستاندا مەملەكەتتىك سپورت عىلىمي زەرتتەۋ ينستيتۋتىن قۇرۋ لايىقسىز» دەپ جازىلعان. ەگەر ەلباسى كەزىندە لايىقتى دەپ تاپسا، شەنەۋنىكتەر بۇگىندە ونى ورىنسىز دەپ وتىر. مەن بۇل سالادا ادىلدىك بولعانىن قالايمىن»، - دەدى ق. زاكىريانوۆ.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى