ق ر ۇلتتىق مۋزەيى اقىلى جۇمىس رەجيمىنە كوشەدى

«قازاقستان رەسپۋبليكاسى مادەنيەت جانە سپورت مينيسترلىگىنىڭ بۇيرىعىمەن 2015-جىلعى 21- اقپاننان باستاپ، «قازاقستان رەسپۋبليكاسى ۇلتتىق مۋزەيى» ر م ك ك- ءنىڭ اقىلى قىزمەت تۇرلەرىن كورسەتۋ ەرەجەلەرى بەكىتىلدى»، - دەلىنگەن مۋزەيدىڭ باسپا ءسوز قىزمەتى حابارلاماسىندا.

21- اقپاننان باستاپ مۋزەيگە دەربەس كىرۋ ەرەسەكتەر ءۇشىن - 500 تەڭگە، ستۋدەنتتەرگە - 300 تەڭگە، مەكتەپ وقۋشىلارىنا 200 تەڭگە بولادى. ۇلى وتان سوعىسىنىڭ ارداگەرلەرىنە، مۇگەدەكتەرگە، مەكتەپ جاسىنا دەيىنگى بالالارعا، جەتىم بالالارعا، كوپ بالالى انالارعا مۋزەيگە كىرۋ - تەگىن. ەكسكۋرسيا وتكىزۋگە بيلەتتەر 1 مىڭ تەڭگەدەن باستالادى.

45 مينۋتتىك 20 ادامعا ارنالعان قازاق جانە ورىس تىلدەرىندەگى توپتىق ەكسكۋرسيا 1 مىڭ تەڭگە، شەتەل تىلىندە - 2 مىڭ تەڭگە تۇرادى. مەكتەپ وقۋشىلارى مەن بالالارعا، سوعىس ارداگەرلەرىنە، مۇگەدەكتەرگە، مەكتەپ جاسىنا دەيىنگى بالالارعا، جەتىم بالالارعا، كوپ بالالى انالارعا ەكسكۋرسيالار - تەگىن.

قازاقستان رەسپۋبليكاسىنىڭ ۇلتتىق مۋزەيى - ورتالىق ازياداعى ەڭ ءىرى جانە ەڭ جاس مۋزەي، ول الەمنىڭ ءىرى مۋزەيلەرىنىڭ وندىعىنا كىرەدى. مۋزەي قازاقستان رەسپۋبليكاسىنىڭ پرەزيدەنتى ن. ءا. نازاربايەۆتىڭ تاپسىرماسىمەن «مادەني مۇرا» مەملەكەتتىك باعدارلاماسىن جۇزەگە اسىرۋ اياسىندا 2014-جىلعى 2- شىلدەدە اشىلدى. مۋزەي اشىلعاننان بەرى بارلىق كەلۋشىلەر ءۇشىن تەگىن جۇمىس جاسادى. ق ر ۇلتتىق مۋزەيىندە 8 ايداعى جۇمىسى كەزىندە 140 مىڭعا تارتا ادام بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى