ۇلى بريتانيا پاتشايىمىنا قازاقستان ەلشىسى سەنىم گراموتاسىن تاپسىردى
ءراسىم كەزىندە ەلشى ە. قازىحانوۆ جوعارى مارتەبەلىگە قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ سالەمىن تابىس ەتتى. بۇل تۋرالى ق ر س ءى م باسپا ءسوز قىزمەتى حابارلادى.
سۇحبات بارىسىندا قازاقستان ەلشىسى ەكىجاقتى ساياسي، ەكونوميكالىق، ءبىلىم بەرۋ جانە مادەني قارىم- قاتىناستاردىڭ دامۋىنىڭ جوعارى قارقىنىن اتاپ ءوتتى. بۇعان كوبىنەسە قازاقستان رەسپۋبليكاسى مەن ۇلى بريتانيا اراسىندا جوعارى دەڭگەيدە قول جەتكىزىلگەن ستراتەگيالىق سەرىكتەستىك جونىندەگى ۋاعدالاستىقتار سەپتىگىن تيگىزۋدە.
ءوز كەزەگىندە، پاتشايىم ەليزاۆەتا Ⅱەكى ەل اراسىنداعى بايلانىستاردى نىعايتۋدىڭ جانە كەڭەيتۋدىڭ ماڭىزدىلىعىنا توقتالدى. ول پرەزيدەنت نۇرسۇلتان نازاربايەۆتىڭ باسشىلىعىمەن قازاقستاننىڭ جۇيەلى دامىپ كەلە جاتقانىن اتاپ ءوتتى.
پاتشايىم ە. قازىحانوۆتى جاۋاپتى ميسسياسىمەن قۇتتىقتاپ، وعان جاڭا قىزمەتتە ساتتىلىك تىلەدى.
