ساۋىردەن باستاپ مەديتسينالىق ۇيىمدار ەلەكتروندىق قۇجاتقا كوشەدى

 بۇل تۋرالى ق ر دەنساۋلىق ساقتاۋ جانە الەۋمەتتىك دامۋ مينيسترلىگىنەن حابارلاندى.

«مەديتسينالىق ستاتيستيكالىق مالىمەتتەردىڭ ەسەپكە الىنۋى ەلىمىزدىڭ بارلىق مەديتسينالىق ۇيىمدارىندا «دەنساۋلىق ساقتاۋ ۇيىمدارىنىڭ باستاپقى قۇجاتتاما نىساندارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ مينيسترلىگىنىڭ 2010 - جىلعى 23 - قاراشاداعى №907 بۇيرىعىنا سايكەس جۇزەگە اسىرىلادى.

قازىرگى كەزدە قۇجاتتار قولمەن قاعاز جۇزىندە تولتىرىلادى، ودان كەيىن جينالعان مالىمەتتەر رەسپۋبليكادا دەنساۋلىق ساقتاۋ سالاسىندا جۇمىس ىستەيتىن اقپاراتتىق جۇيەلەرگە ەنگىزىلەدى. جوعارىدا كورسەتىلگەن بۇيرىققا ەنگىزىلەتىن وزگەرىستەرگە سايكەس، ۇيىمدارداعى مەديتسينالىق قىزمەتكەرلەردىڭ جۇمىس ورنى تولىعىمەن دەربەس كومپيۋتەرلەرمەن جانە پرينتەرلەرمەن قامتاماسىز ەتىلگەن جاعدايدا باستاپقى ەسەپ قۇجاتتارىن قولمەن تولتىرۋ قاجەت بولمايدى. سونىمەن قاتار، ەسەپتىك قۇجاتتاردى ورتا مەديتسينالىق قىزمەتكەرلەرى تولتىرادى»، - دەلىنگەن ۆەدومستۆو مالىمەتىندە.

 بەلگىلى بولعانداي، ەلەكتروندىق قۇجات اينالىمىنا ءوتۋ ءۇردىسى قوسىمشا قارجىنى قاجەت ەتپەيدى، ءبىراق مەديتسينالىق ۇيىمداردى كومپيۋتەرلىك تەحنيكامەن قامتاماسىز ەتۋ ءۇشىن قاراجات كەرەك. جەرگىلىكتى اتقارۋشى ورگانداردىڭ قاراماعىنداعى مەديتسينالىق ۇيىمداردىڭ تەحنيكالىق قامتاماسىز ەتىلۋى سولاردىڭ ەسەبىنەن جۇرگىزىلەتىنىن اتاپ ءوتۋ كەرەك.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى