قوستاناي وبلىسىندا جازاسىن وتەۋشىلەرگە كوشپەلى مۇراجاي ەكسپوزيتسياسى ۇيىمداستىرىلدى - فوتو
قوستاناي وبلىستىق تاريحي- ولكەتانۋ مۇراجايىنىڭ قىزمەتكەرلەرى ەلۆيرا ماردامشينا، ءنازيرا جۇماتوۆا، رۋسلان ءجۇسىپوۆ جازاسىن وتەۋشىلەرگە قازاق حاندىعىنىڭ قۇرىلۋى جايلى بايانداپ بەردى، الىپ كەلگەن تاريحي جادىگەرلەردى كورسەتتى.
«مۇراجاي ەكسپوناتتارىنىڭ كورمەسى قازاق حاندىعىنىڭ 550 جىلدىعىنا ارنالدى. وسىعان بايلانىستى، قوستاناي وبلىستىق ل. ن. تولستوي اتىنداعى كىتاپحانا قازاق حاندىعىنىڭ قۇرىلۋى تۋرالى بەينەفيلم كورسەتتى. مادەني-بۇقارالىق شارا وتكىزۋ يدەياسىن قولداعان، وبلىس ورتالىعىنان 160 شاقىرىم جەرگە جادىگەرلەردى جەتكىزۋگە جاردەمدەسكەن قوستاناي وبلىسى اكىمدىگىنىڭ مادەنيەت باسقارماسىنا العىسىمىزدى بىلدىرەمىز» ، - دەپ حابارلادى ءوڭىردىڭ ق ا ج وبلىستىق دەپارتامەنتى باستىعىنىڭ ورىنباسارى بولات بايجانوۆ.
كولونيادا كورمە العاش رەت وتكىزىلۋدە. سوندىقتان بۇل جازاسىن وتەۋشىلەر ءۇشىن مەرەكەگە اينالدى. العىس رەتىندە ولار قوناقتارعا كونسەرت ۇيىمداستىردى.
