قۇرالاي نۇرقادىلوۆا پوشتاشىلاردىڭ جاڭا كيىم ۇلگىسىن جاسادى
بۇل تۋرالى بۇگىن اكسيونەرلىك قوعامنىڭ 2014 - جىلعى جۇمىسىنىڭ قورىتىندىسى شىعارىلىپ، 2015 - جىلدىڭ جوسپارلارى تالقىلانعان جيىندا «قازپوشتا» ا ق باسقارما ءتوراعاسى باعدات مۋسين ءمالىم ەتتى، دەپ حابارلايدى BNews.kz تىلشىسى.
«2015 - جىلدى «پوشتاشى جىلى» دەپ جاريالاپ وتىرمىز. ءبىز ولاردىڭ ەڭبەك جاعدايىن جاقسارتىپ، جاڭا ىنتالاندىرۋشى تەتىكتەر ويلاستىرىپ، ولاردىڭ جۇمىسىن جەڭىلدەتۋ ءۇشىن اۆتوماتتاندىرۋدى جوسپارلاپ وتىرمىز»، - دەيدى ب. مۋسين.
«پوشتاشىعا نە كەرەك؟ وعان جىرتىلمايتىن ساپالى، كوشەدە ۇيالماي جۇرۋگە بولاتىن ادەمى سومكە كەرەك، ۇستىنە كيەتىن ىڭعايلى كيىم جانە دىتتەگەن جەرگە تەز جەتۋگە مۇمكىندىك جاساۋ قاجەت. مۇنىڭ ءبارىن بيىلعى جىلدىڭ شىعىندارىنا ەنگىزىپ وتىرمىز. قازاقستاندىق ديزاينەر قۇرالاي نۇرقادىلوۆا پوشتاشىلاردىڭ ءبىرىڭعاي جاڭا فورماسىنىڭ ەسكيزىن ازىرلەدى. سونداي- اق ءبىز پوشتاشىلاردىڭ سومكەسىنىڭ جاڭا ديزاينىن جاسادىق، ولاردىڭ ءبىرىنشى پارتياسى جەتكىزىلدى»، - دەيدى ول.
سونىمەن قاتار، باسقارما ءتوراعاسى اتاپ وتكەندەي، بيىل پوشتاشىلاردى ۆەلوسيپەدپەن قامتاماسىز ەتۋ جوسپارلانىپ وتىر.
«بۇرىنعىدان ساپالىراق ۆەلوسيپەدتەر ساتىپ الىنادى جانە سانى دا كوبىرەك بولادى. وتكەن جىلى وپەراتورلاردى كومپيۋتەرمەن قامتاماسىز ەتۋگە تىرىسساق، بيىل پوشتاشىلاردىڭ جاعدايىنا ۇلكەن كوڭىل بولمەكشىمىز»، - دەپ 2015 - جىلدىڭ جوسپارىمەن ءبولىستى ب. مۋسين.
