ەلىمىزدەگى تەلەارنا ارۋلارىنىڭ بايقاۋى

قازىر قاي ارنانىڭ مىقتىلىعىن، اۋديتورياسىنىڭ اۋقىمىن ءدوپ باسىپ ايتۋدىڭ ءوزى قيىن.

كۇن سايىن جاڭالىق اشۋعا ۇمتىلعان كوگىلدىر ەكراننىڭ ەپتى دە ەلگەزەك قىزمەتكەرلەرى ەلدى ەلەڭ ەتكىزۋگە قۇشتار.

سوندىقتان دا بولار، تەلەارنا وزگەلەردى عانا ەمەس، ءوز جۇلدىزدارىن دا جۇرتقا جاريا ەتۋدە الدىنا جان سالماي كەلەدى. اسىرەسە، ارنايى باعدارلامالار مەن جاڭالىقتاردى جۇرگىزەتىن ارۋلارعا ەل نازارى ەرەكشە اۋىپ تۇرادى.

وسىعان بايلانىستى، ءبىز دە 8 - ناۋرىز -  حالىقارالىق ايەلدەر كۇنى مەرەكەسى قارساڭىندا ءبىر باستاماعا مۇرىندىق بولعاندى ءجون كوردىك.

ەندەشە، قازاق كورەرمەندەرىنىڭ كوزايىمىنا اينالعان جۇرگىزۋشى ارۋلاردىڭ اراسىنداعى بايقاۋعا قاتىسىڭىزدار. ۇزدىكتەر مىناداي تالاپتار بويىنشا انىقتالادى.

- جۇرگىزۋشىلەردىڭ ەكران الدىنداعى ادەمىلىگى، ۇستامدىلىعى، ءسوز ساپتاۋى؛

- تىلدەسۋ بارىسىندا قازاق ءتىلىن ەركىن ءارى جان-جاقتى مەڭگەرگەندىگى؛

- حابار جۇرگىزۋ بارىسىنداعى تاپقىرلىعى مەن شەشەندىگى؛

- جۇرت الدىنا شىققاندا، ۇلتتىق كيىم نەمەسە باسقا دا قۇندىلىقتارىمىزدى ناسيحاتتاۋعا ۇمتىلىسى؛

- جاڭالىق جاساۋعا قۇشتارلىعى جانە جاڭاشىلدىعى.

وسىنداي تالاپتارعا ساي كەلەتىن قىزدار «ايقىن» گازەتى جاريالاعان «ارنا ارۋى» بايقاۋىنىڭ جەڭىمپازى بولىپ تابىلادى (بۇل بايقاۋعا وبلىستىق تەلەارنا قىزمەتكەرلەرى دە قاتىسا الادى). ۇمىتكەرلەردىڭ ەرەكشە ەڭبەگى مەن تاماشا تابىسى تۋرالى ارىپتەستەرى ارنايى ماقالا جازىپ، سۋرەتىمەن joldas216@mail.ru پوشتاسى- نا 1 - ناۋرىزعا دەيىن جولداي الادى.

ءتىپتى قاراپايىم جۇرتشىلىق تا كوڭىلدەن شىققان جۋرناليست قىزدارىمىزعا قولداۋ بىلدىرە الادى. ول ءۇشىن 87772162787 تەلەفونىنا حابارلاسىپ، قازاقشا ارنالاردىڭ كوزايىمىنا اينالعان ارۋدىڭ اتىن اتاپ، ول تۋرالى جان-جاقتى مالىمەتتەر بەرسە بولعانى.

جەڭىمپازدى رەداكسيادا قۇرىلعان قازىلار القاسى انىقتاپ، جەڭىمپازدار ارنايى جۇلدەگە يە بولادى.

«Didar TV» جەتەكشىسى - ايدانا نۇرمۇحان

«ايقىن»

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى