بيىل حالىقارالىق «تۇركسوي باسپا ءسوز سىيلىعى» كىمدەرگە بەرىلەدى؟
جىل قورىتىندىسى بويىنشا تاپسىرىلاتىن سىيلىققا قازاقستاننان بيىلعى جىلى «ەگەمەن قازاقستان» ا ق گازەتىنىڭ پرەزيدەنتى، بەلگىلى پۋبليتسيست ساۋىتبەك ءابدراحمانوۆ، «الماتى اقشامى» گازەتىنىڭ باس رەداكتورى قالي سارسەنباي جانە «قازاقستان» ر ت ر كورپوراتسياسى لايىقتى بولىپ تابىلدى.
حالىقارالىق تۇركسوي باسپا ءسوز سىيلىعىن سالتاناتتى ماراپاتتاۋ كەشى تۇرىك دراماتۋرگى «حالدۋن تانەر جىلىنىڭ» اشىلۋ ءراسىمىنىڭ اياسىندا وتەدى. ايتۋلى شاراعا ءازىربايجان، قىرعىزستان، تۇركيا، رەسەي فەدەراتسياسىنىڭ قۇرامىنداعى تاتارستان، باشقۇرتستان، حاكاسيا، قازاقستان، سولتۇستىك كيپر، ماكەدونيا سىندى تۇركى تىلدەس ەلدەردىڭ ب ا ق وكىلدەرى قاتىسادى.
Baq.kz
