عالىمدار تەمەكىمەن كۇرەسۋدىڭ جولىن تاپتى

عالىمدار عىلىمي ىزدەنىستەرى جايلى JAMA جۋرنالىندا حابارلادى.

تاجىريبەگە ءبىر جارىم مىڭنان استام شىلىمقور قاتىسىپتى. ولاردىڭ جارتىسىنا ۆارەنيكلين پرەپاراتىمەن، قالعان جارتىسىنا پلاتسەبو دارىلىك زاتىمەن ەم جۇرگىزىلگەن.

ەكى توپقا دا ناقتى ماقسات قويىلدى: ولار 4 اپتادان كەيىن شەگىلەتىن تەمەكى سانىن %50 عا، 8 اپتادان كەيىن %75 عا ازايتىپ، 12 اپتادان كەيىن بۇل جامان ادەتتەن ءبىرجولا ارىلۋى ءتيىس بولدى.

تاجىريبە ناتيجەسى ۆارەنيكلين شىنىمەن دە نيكوتينگە تاۋەلدىلىكتەن قۇتىلۋعا كومەكتەسەتىنىن كورسەتتى. سونىمەن قاتار، عالىمدار پرەپارات تەمەكىنى قويعاننان كەيىن بولاتىن جاعىمسىز اسەرلەردى تومەندەتەتىنىن دالەلدەپ وتىر.

دەگەنمەن پرەپاراتتىڭ قوسىمشا اسەرى دە بايقالىپ قالدى. سىناققا قاتىسقان ادامداردىڭ كەيبىرى جۇرەگى اينىپ، تۇندە ۇيقىدان قالعانىن، باسى اۋىرعانىن ايتىپ شاعىمدانعان. بۇل ماسەلەنى قازىر عالىمدار قىزۋ تالقىلاپ جاتىر.

bnews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى