مارتين ميۋررەي: گولوۆكيننىڭ وسال تۇسى جوق

دەگەنمەن، مارتين وعان باس قاتىرىپ جۇرگەن جوق، سەبەبى چەمپيوننىڭ وسال جەرلەرىن جەكپە-جەك بارىسىندا انىقتاۋدى جوسپارلاۋدا.

«شىنىن ايتقاندا، گولوۆكيندە وسال جەر كورە المادىم، - دەيدى ميۋررەي. - مەن سەرحيو مارتينەس پەن فەليكس شتۋرممەن جۇدىرىقتاسقاندا، ولار بۇنىڭ الدىندا جەڭىلىپ كورگەن ەدى. سوندىقتان ءبىز ولاردىڭ ءالسىز تۇستارىن كورۋگە مۇمكىندىگىمىز بار بولدى. ءبىراق گولوۆكين ەشقاشان جەڭىلىپ كورمەگەن، تىپتى نوكداۋن الماعان. سونىمەن قاتار ول مارتينەس پەن شتۋرمعا قاراعاندا جاس، الەۋەتى زور».

ونىڭ سوزىنە قاراعاندا، ميۋررەيدىڭ باپكەرلەرى گولوۆكينگە قارسى جۇدىرىقتاسۋدىڭ امالدارىن جاساپ، بىرنەشە جوسپارلار قۇراستىرعان.

«ءبىز قول قۋسىرىپ وتىرعان جوقپىز، جوسپارلارىمىز سەنبى كۇنى ورىندالادى دەپ ۇمىتتەنەمىن. جوسپارلارىمىزدىڭ جالپى سانى 10. ولار جەكپە-جەكتىڭ وربۋىنە بايلانىستى قولدانىلادى»، - دەپ اتاپ ءوتتى بوكسشى.

«مەن گولوۆكينمەن 12 راۋند بويى جۇدىرىقتاسۋعا دايىنمىن. مەن دايىندىق بارىسىندا ەشقاشان بۇرىن-سوڭدى وسىلاي بەرىلىپ جاتتىقپادىم، بۇگىندە مەن مانسابىمداعى ەڭ ۇزدىك فورماعا جەتتىم دەپ ويلايمىن. ەندى ەش وكىنبەيتىندەي ەڭ كەرەمەت جەكپە-جەك وتكىزۋ عانا قالدى»، - دەدى ول.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى