وسكەمەنگە كەلىپ بودەنە ءوسىرىڭىز، پايداسى كوپ
ءوڭىر ءۇشىن تاڭسىق قۇستىڭ جۇمىرتقاسى بۇگىندە ۇلكەن سۇرانىسقا يە.
مەملەكەتتىك «جۇمىسپەن قامتۋ جول كارتاسى-2020» باعدارلاماسى بويىنشا نەسيە العان جانات تاسىلبايەۆا كاسىبىنىڭ ءناسىبىن كورىپ وتىر.
ول بولاشاقتا بودەنە سانىن كوبەيتۋ ارقىلى تسەح ءوندىرىسىن ارتتىرىپ، ونى ءىرى فەرماعا اينالدىرماق نيەتتە. بۇگىندە جۇدىرىقتاي قۇستىڭ جۇمىرتقاسى وڭىردە ۇلكەن سۇرانىسقا يە. كاسىپكەر ايەلوسى ءىستى باستاماس بۇرىن بۇل سالانىڭ ءاربىر شىعىنى مەن كىرىسىن جەتە زەرتتەگەنىن ايتادى.
ونىڭ ايتۋىنشا، ەكولوگيالىق احۋالى ناشار ايماقتىڭ تۇرعىندارى ءۇشىن باعالى قۇستىڭ ءونىمى دەنساۋلىققا وتە پايدالى كورىنەدى.
جانات تاسىلبايەۆا، كاسىپكەر:
- نارىقتى زەرتتەپ مەن وسىنداي شەشىمگە كەلدىم. بىزدە از بودەنەنىڭ جۇمىرتقاسىن ساتادى جانە قىمبات باعامەن. سوندىقتان ويلادىم بىزگە وتە پايدالى بولادى.
جانات تاسىلبايەۆا العاشىندا فەرماعا الماتى قالاسىنان 300 گە جۋىق بودەنە ساتىپ اكەلگەن. قازىر ولاردىڭ سانى 3500 گە جەتكەن. ازىرگە مۇندا 3 جۇمىسشى بار. سولاردىڭ ءبىرى - ساعىنجان قالقان ۇلى قۇستاردى باپتاپ-ءوسىرۋ جۇمىستارىمەن اينالىسادى.
ول كۇن سايىن 2500 جۇمىرتقا جينايدى ەكەن. بالاپاندار كەشەدەن باستاپ جۇمىرتقانى جارىپ شىعا باستاعان. تۋعان كەزدە سالماعى نەبارى 9 گرام بولعان. كۇندەلىكتى دارۋمەنگە باي جەممەن قورەكتەندىرگەننەن كەيىن 10 كۇننىڭ ىشىندە ەت جيناپ، سالماعى 90 گرامعا دەيىن جەتەدى ەكەن. بودەنەنىڭ تاۋىقتان ايىرماشىلىعى - 1,5 ايدان كەيىن جۇمىرتقالاي باستايدى ەكەن. كۇندەلىكتى جينالعان ءونىمنىڭ 500 گە جۋىعى ينكۋباتورعا، قالعانى دۇكەنگە ساتىلىمعا جىبەرىلەدى. بۇگىندە ەمدىك قاسيەتى باسىم قۇستىڭ جۇمىرتقاسى مەن ەتى وسكەمەننىڭ 30 دان استام دۇكەنىندە ساتىلىپ جاتىر. ايماق ءۇشىن تاڭسىق ءارى پايدالى ونىمگە حالىق اراسىندا سۇرانىس جوعارى.
كاسىپكەر «جۇمىسپەن قامتۋ جول كارتاسى-2020» باعدارلاماسى ارقىلى العان 12 ميلليون تەڭگە نەسيەنى بۇگىندە تولىعىمەن قايتارعان. بۇگىندە بودەنە فەرماسىنىڭ قۇرىلىسى باستالىپ تا كەتكەن. مۇنداعى جۇمىستاردى وزىق تەحنولوگيالىق جەلىلەر ارقىلى اتقارۋ ماسەلەسى دە ويلاستىرىلعان. سونىمەن قاتار كەلەشەكتە قۇستاردىڭ سانىن 13 مىڭعا جەتكىزۋ كوزدەلىپ وتىر.
www.24.kz
