ءجۇرسىن ەرمان: پرەزيدەنت سايلاۋىن كەزەكتەن تىس بيىل وتكىزۋ - زامان تالابى
بۇگىن قازاقپارات تىلشىسىنە بەرگەن سۇحباتىندا قازاقستاننىڭ ەڭبەك سىڭىرگەن قايراتكەرى، م. ماقاتايەۆ اتىنداعى سىيلىقتىڭ ەكى مارتە يەگەرى، رەسپۋبليكالىق كىتاپ مۇراجايىنىڭ ديرەكتورى ءجۇرسىن ەرمان وسىلاي دەدى.
ونىڭ ايتۋىنشا، قازىرگى قالىپتاسقان جاعدايدى حالىق تا جاقسى تۇسىنەدى.
«نەگە پرەزيدەنت سايلاۋىن بيىل وتكىزۋ قاجەت؟ مۇنىڭ باستى سەبەبى، ەكونوميكالىق، قارجىلىق داعدارىس. ول بۇكىل الەمدى شارپىپ كەلەدى. قازاقستان بۇدان شەت قالا المايدى. ساياساتكەرلەردىڭ ايتۋىنشا ول كەلەسى جىلعا دا سوزىلادى. دەمەك، پرەزيدەنت جانە پارلامەنت سايلاۋىن الداعى جىلى قاتار وتكىزۋ - قارجىلىق قيىندىقتارعا اكەپ سوعۋى مۇمكىن. سول ءۇشىن پرەزيدەنت سايلاۋىن بيىل وتكىزۋدە ۇلكەن ءمان جاتىر. سوڭعى 25 جىلعا جۋىق ۋاقىت ىشىندە قازاقستان نەبىر داعدارىستى باستان كەشتى. سولاردىڭ بارلىعىنان حالىقتى كۇيزەلتپەي، جۇرتتى جۇتاتپاي، قيىننان قيىستىرىپ جول تاۋىپ امان- ەسەن الىپ كەلە جاتقان ەلباسىنىڭ قولىنا ەل تىزگىنىن قايتا ۇستاتساق، كەلەسى جىلى پارلامەنت سايلاۋىن ەش قينالماي وتكىزۋگە مۇمكىندىك تۋادى. بۇدان ەشقانداي ءبىر قۇيتىرقى امال- ايلا، ءتاسىل ىزدەۋدىڭ قاجەتى جوق»، - دەدى ج. ەرمان.
سونىمەن قاتار، ول مەملەكەت باسشىسىنىڭ ۇستىمىزدەگى جىلى 11 - اقپاندا ۇكىمەتتىڭ كەڭەيتىلگەن وتىرىسىندا ءىرى مەرەيتويلار مەن شارالارعا كەتەتىن شىعىنداردى قىسقارتۋ تۋرالى ۇسىنىسى ءار جەردە بۇرمالانىپ، اسىرا سىلتەۋشىلىك ارەكەتتەر ورىن الىپ جاتقاندىعىنا وكىنىش ءبىلدىردى.
ەلباسىنىڭ شاشپاشىلىقتى دوعارۋ كەرەكتىگى تۋرالى ۇسىنىسى دەر كەزىندە ايتىلدى.
