قازاقستانداعى «مىقتى» تويدىڭ بەلگىلەرى - كەسكىندەر

Comode.kz سايتى قازاق تويلارىنداعى ەرەكشە كورىنىستەر تىزبەگىن دايىندادى.

1. ەڭ قىمبات كولىكتەردەن تۇراتىن كورتەج

قاپ-قارا «گەليك» پەن قىمبات «مەرسەدەستەرسىز» تويدىڭ ءسانى كەلە مە؟! قازاقستاندىق جاستار تويىندا اق جانە قارا ءتۇستى قىمبات كولىكتەرمەن قىدىرعاندى ۇناتادى. قالا كوشەلەرىن «ءتىلىپ» وتەتىن كولىكتەر ءۇشىن كوپتەگەن جەردە جول قوزعالىسى دا شەكتەلەتىنى راس. كورتەجگە مىنگەن جاستار تەرەزەدەن باستارىن شىعارىپ، كوشە بويىنداعىلارعا قول بۇلعاپ، بارىنشا جول ەرەجەسىن بۇزىپ باعادى.

2. دوستار ۇيىمداستىرعان فلەشموب

قازاقستانداعى جاستاردىڭ پىكىرىنشە، ناعىز دوستار تويدىڭ كوركىن كەلتىرىپ، بيلەپ بەرۋى كەرەك. ايتپەسە، ونىڭ نەسى دوس؟! دوس-قۇربىلارىڭنىڭ ءان ايتىپ، ءبي بيلەي بىلمەۋى دە ماڭىزدى ەمەس. الكوگولدى ىشىمدىكتەن سوڭ، شابىتى اشىلىپ، بەيبەرەكەت قيمىلعا باراتىنىن دا كەشىرۋگە بولادى. سەبەبى، مۇنىڭ ءبارى شىن جۇرەكتەن ەمەس پە؟!

3. كەرەمەت ماحاببات حيكاياسى (love-story)

بۇگىندە جاستار وزدەرىنىڭ ماحاببات حيكاياسى تۋرالى كىشىگىرىم فيلم ءتۇسىرۋدى سانگە اينالدىرعان. اتالعان فيلمدە كەلىنشەكتىڭ تويعا قالاي دايىندالعانى، قىمبات القا-جۇزىكتەردىڭ كەرەمەت جاراسىپ تۇرعانى انىق كورسەتىلەدى. كۇيەۋ جىگىتتىڭ قولىنداعى قىمبات ساعات تا كامەرا نىساناسىنان تىس قالمايدى.

4. بانكەت زالىنا ليمۋزينمەن كەلۋ

ءيا، ليمۋزينمەن قالا كوشەلەرىندە قىدىرۋ دا قازىر قىزىق بولماي قالعان. ەندى تۋرا توي زالىنا كولىكپەن كىرىپ بارۋ ادەتكە اينالدى. سونىمەن قاتار، ليمۋزيندى سۆاروۆسكي تاستارىمەن اشەكەيلەۋ، التىن تۇسپەن بوياۋ، كولىكپەن زالعا تويباستاردى اكەلۋ، ءتىپتى، تىكۇشاقپەن شاشۋ جاساۋ سانگە اينالدى.

5. قىمبات قوناقتار

جالپى شەتەلدىك جۇلدىزداردىڭ قازاقستاندا ءجيى قوناق بولاتىنى جاسىرىن ەمەس. ولار تەك مادەني ءىس-شارا نەمەسە كونسەرتتىك باعدارلامامەن كەلمەيدى. باي-باعلاندار مەن اۋقاتتى ادامداردىڭ قۋانىشىنا ورتاقتاسۋ ءۇشىن دە قازاقستاندى بەتكە الادى. ايگىلى كانە ۋەستتىڭ ءبىزدىڭ تويلاردىڭ بىرىندە ءان شىرقاعانىن ۇمىتپاعان بولارسىز.

6. قالىڭدىقتى ساتىپ الۋ

قالىڭدىقتىڭ قۇربىلارى كۇيەۋ جىگىتتى «قيناپ» باعۋ ءۇشىن بار ايلاسىن سالاتىنىن كورىپ ءجۇرمىز. سۇيىكتى قۇربىلارىن «قيماعان» ولار كۇيەۋ جىگىتتەن كوك قاعاز الىپ قالۋدى جاقسى تاسىلگە اينالدىرعان.

7. كينوعا اينالعان توي

ارينە، جاس جۇبايلاردىڭ ومىرىندەگى ەڭ ماڭىزدى كۇنى ءومىر بويى ەستە قالدىرۋعا تىرىساتىنىن تۇسىنەمىز. الايدا، فوتو جانە ۆيدەو تۇسىرىلىمدەر ءۇشىن ءبىر كۇنگى جالداۋ قۇنى 75000 تەڭگە تۇراتىن قىمبات كراندار مەن كامەرالاردى ساتىپ الۋ قيسىنسىز سەكىلدى.

ايتا كەتەلىك، سونداي-اق تويدىڭ بارىسىن، ارنايى دايىندالعان روليكتەردى قوناقتارعا تاماشالۋعا مۇمكىندىك بەرەتىن LED- ەكرانداردى جالعا الۋ قۇنى 1500 دوللاردان باستالادى.

NUR. KZ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى