قازاقستاننىڭ دۇنيەجۇزىلىك ساۋدا ۇيىمىنا كىرۋ كەلىسسوزدەرى ءساۋىر- مامىردا تولىق اياقتالادى
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندەگى بريفينگتە ق ر ۇلتتىق ەكونوميكا ءمينيسترى ەربولات دوسايەۆ ءمالىم ەتتى.
«د س ۇ- عا كىرۋ ۇدەرىستەرى بويىنشا كەلىسسوزدەر سوڭعى ساتىسىنا شىقتى. وتكەن جىلدىڭ نەگىزگى قورىتىندىسى قازاقستاننىڭ د س ۇ- عا كىرۋدەگى باستى كەلىسسوزشىلەرىنىڭ ءبىرى - ەۋروپالىق وداقپەن ەكىجاقتى كەلىسسوزدەردى اياقتاۋى بولدى. ءبىز كەلىسىمگە قول قويدىق»، دەدى مينيستر.
ونىڭ اتاپ وتۋىنشە، ا ق ش- پەن كەلىسسوزدەر بويىنشا نەگىزگى ماسەلەلەردە ۋاعدالاستىققا قول جەتكىزىلگەن. قازىرگى ۋاقىتتا ا ق ش ساۋدا وكىلدەرىمەن فيتوسانيتاريا تالاپتارىمەن بايلانىستى كەلىسسوزدەر قارقىندى جۇرگىزىلۋدە.
«ءبىزدىڭ جوسپارىمىز - ءساۋىر- مامىر ايلارىندا سايكەسىنشە كەلىسسوزدەردى تولىعىمەن اياقتاۋ. ەكونوميكالىق ينتەگراتسيا ىستەرى ءمينيسترى ج. ايتجانوۆا حانىم بۇگىندە بەلسەندى كەلىسسوزدەر جۇرگىزۋدە. اتالعان نورمالار بويىنشا بۇگىن الماتىدا ەۋروپالىق وداقپەن قوسىمشا كەلىسسوزدەر جۇرگىزىلەدى»، - دەدى ە. دوسايەۆ.
اۆتور: مارلان جيەمباي
