قىزىلوردالىق ەمشى بالانىڭ ءبيى كوپشىلىكتىڭ تالقىسىنا ءتۇستى - كەسكىن

داۋسى قاتتىراق شىققان انگە بالا بيلەي كەتەدى. تۇسىرىلگەن ۆيدەونى كورگەن ازاماتتاردىڭ پىكىرىنشە، ونى ماي قۇيۋ بەكەتىندە قىزمەت كورسەتەتىندەردىڭ ءبىرى تۇسىرگەن بولۋى مۇمكىن.

يۋتۋب جەلىسىنە سالىنعان ماتەريالدى ءبىر ايعا جەتەر-جەتپەس ۋاقىتتىڭ ىشىندە 22000 عا جۋىق ازامات تاماشالاعان. ارينە ولار ەمشى بالانىڭ بيىنە بايلانىستى پىكىر تالاستىرعان. ءبىرى وعان راسىمەن دە قاسيەت قونعان دەسە، ەندى ءبىرى «ول حالىقتى الداپ ءجۇر. باسىندا جاعدايى ناشار ەدى. قازىر قاراڭىز قىمبات كولىك ءمىنىپ الىپتى» دەگەن.

ال ۆيدەونى وسى جەلىگە سالعان ازاماتتىڭ ءوزى حالىقتى كىشكەنتاي بالاعا سەنبەۋگە شاقىرعان. جاس بالانى دۇنيەگە، بايلىققا قىزىقتىرماي، مەكتەپكە ساباق وقۋعا ۇگىتتەۋ كەرەكتىگىن ايتادى.

ەربوسىن سەرىكبايەۆ جايلى ماعلۇمات وتكەن جىلدىڭ كۇزىندە تاراعان ەدى. وندا ەربوسىننىڭ الدىنا كۇنىنە قازاقستاننىڭ ءتۇرلى ايماعىنان، ءتىپتى شەكارا اسىپ 5000 داي ازامات ەم الۋعا كەلەدى دەلىنگەن ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى