ق ر جوعارعى سوتىنىڭ «قورعاس ءىسى» تۋرالى تۇسىنىكتەمەسى
جوعارعى سوت ءتوراعاسى وتكەن جىلدىڭ ەڭ كۇردەلى ءارى ەستە قالارلىق ىستەرىنىڭ اراسىندا «قورعاس» ءىسىن اتاپ ءوتتى. اتالعان پروتسەسس بويىنشا ءىستىڭ تەك كولەمى عانا 1576 تومنان تۇرادى، سونىڭ ىشىندە ايىپتاۋ قورىتىندىسى 70 تومدى قۇرايدى.
سوت الدىندا ءبىر ۋاقىتتا 45 ادام، سونىڭ ىشىندە ۇلتتىق قاۋپسىزدىك كەڭەسى مەن كەدەن قىزمەتىنىڭ جوعارى وكىلەتتى قىزمەتكەرلەرى جاۋاپ بەردى. ولاردىڭ ىشىندە 20 ادام اسا اۋىر، قالعاندارى - اۋىر قىلمىستاردى جاساۋدا ايىپتالدى.
ءىس بويىنشا 160 تان استام سوت وتىرىسى وتكىزىلىپ، جۇزدەگەن كۋاگەرلەر سۇرالدى. سوتقا ايعاق دالەلدەردىڭ اسا اۋقىمدى سانىن زەرتتەپ، كەلىپ تۇسكەن كوپتەگەن ءوتىنىم حاتتاردى سارالاۋعا تۋرا كەلدى.
سوندىقتان سۋديالار، جانە ءبىرىنشى كەزەكتە، ءتوراعالىق ەتۋشىگە كاسىبي بىلىمنەن باسقا ۇلكەن پسيحولوگيالىق تۇراقتىلىق، اسا ءجىتى نازار اۋدارۋ، شىدامدىلىق پەن توزىمدىلىك قاجەت ەتىلدى. مەنىڭ پىكىرىمشە، سۋديا بۇل مىندەتىن ابىرويمەن اتقاردى.
ءىستى باسقا ينستانتسيالاردا قاراۋ وبەكتيۆتىلىگى بويىنشا. وزدەرىڭىز بىلەتىندەي، اتالعان ءىستىڭ باستى فيگۋرانتتارى باس بوستاندىعىنان ايىرۋدىڭ ۇزاق مەرزىمدەرىنە كەسىلدى.
سوت ۇكىمىنىڭ زاڭدىلىعىن 2014 - جىلدىڭ تامىز ايىندا اپەللياتسيالىق ينستانتسيا تەكسەرگەن. ۇكىم ءبىر سوتتالۋشىعا قاتىستى عانا وزگەرگەن، وعان ناقتى مەرزىمنىڭ ورنىنا شارتتى تۇردەگى مەرزىم بەرىلگەن. بۇل شەشىم ونىڭ قىلمىسقا تارتىلۋ دارەجەسىن ەسكەرىپ، شىعارىلدى. سوت ۇكىمى بۇگىندە زاڭدى كۇشىنە ەندى.
