قالامىزدىڭ ماقتانىشىن جوعالتىپ الۋىمىز مۇمكىن - استانا اكىمى
ادىلبەك جاقسىبەكوۆ استانانىڭ ەكولوگيالىق احۋالى تۋرالى ايتا كەلە تۇرعىنداردى تازا اۋا ءۇشىن كۇرەسۋگە شاقىردى.
«استاناداعى جەكەمەنشىك سەكتورداعى كوپتەگەن ءۇي كەسەك وتىنمەن جىلىتىلادى. سوندىقتان، قالانىڭ ۇستىندەگى قالىڭ ءتۇتىندى ءجيى كورۋگە بولادى. سونىمەن قاتار، اۆتوكولىكتەر مەن جىلىتۋ ەلەكتر ستانتسياسىنان شىعاتىن ۋلى زاتتارمەن ءبىز قالامىزدىڭ ماقتانىشى - تازا اۋانى جوعالتىپ الۋىمىز مۇمكىن. بۇعان قاتىستى شارالاردى قولعا الىپ، تازا اۋا ءۇشىن كۇرەستى كۇشەيتۋ قاجەت»، - دەدى اكىم تۇرعىندارعا.
ادىلبەك جاقسىبەكوۆتىڭ ويىنشا، ەنەرگيامەن جابدىقتاۋعا قاتىستى ماسەلەردى شەشۋگە جاڭا تاسىلدەر قاجەت. اكىمنىڭ ايتۋىنشا، قۋاتتىڭ قاراپايىم ءوسىمىنىڭ ءاردايىم كەلەشەگى بولا بەرمەيدى. «قالا وسكەن سايىن ەنەرگيا قاجەتتىگىنىڭ ەداۋىر ارتاتىنىن الەمدىك تاجىريبە كورسەتىپ بەرىپ وتىر. ءيا، ءبىز ەنەرگيامەن جابدىقتاۋعا جانە ەنەرگيانىڭ تيىمدىلىگىن ارتتىرۋعا قاتىستى شارالاردى يننوۆاتسيالىق تەحنولوگيالاردى ەنگىزۋ ارقىلى جۇرگىزىپ جاتىرمىز. ەنەرگيانى تۇرعىنداردىڭ وزدەرى يننوۆاتسيالىق تەحنولوگيالار مەن ەكولوگيالىق تازا ماتەريالدى قولدانۋ ارقىلى ۇقىپتى پايدالانۋى ءتيىس. بۇنى ەنەرگيا رەسۋرستارىنىڭ باعاسىنا بايلانىستى عانا ەمەس قورشاعان ورتاعا قامقور بولۋ جاعىنان دا ايتىپ تۇرمىن»، - دەدى جاقسىبەكوۆ.
استانا اكىمىنىڭ ايتۋىنشا، بۇدان بىلاي اۆتوكولىكتەردى تەحنيكالىق بايقاۋدىڭ ساپاسىن ارتتىرۋ مەن قالاداعى مەكەمەلەر مەن كاسىپورىندان شىعاتىن ۋلى زاتتاردى ازايتۋعا قاتىستى جۇمىستار ىستەلەدى. سونىمەن قاتار، ەكولوگيالىق جوبالاردى دامىتۋ جۇمىستارى دا جالعاستىرىلادى - تالدىكولدە جينالعان اعىندى سۋلاردى جويۋ، نوسەر كاناليزاتسياسى نىساندارىنىڭ جەلىلەرىن دامىتۋ.
قالا اكىمدىگىنىڭ مالىمەتىنشە، استانادا ج ە س-1 مەن ج ە س-2 نى جاڭعىرتىپ، ج ە س-3 قۇرىلىسىنىڭ ءبىرىنشى كەزەگىن باستاۋ جوسپارلانىپ وتىر.
