شىعىس قازاقستاندا قۇتقارۋشىلار جوعالىپ كەتكەن مالشىنى تابا الماي جاتىر
توتەنشە جاعداي بولىمىنەن حابارلاعانداي، «112» پۋلتىنە ءۇش بيىك اۋىلىنىڭ 62 جاستاعى تۇرعىنى ۇيىنەن 16 - اقپان كۇنى تاڭەرتەڭ شىعىپ كەتكەنى تۋرالى تەلەفون حابارلاماسى كەلىپ تۇسكەن.
17 - اقپاندا ساعات 14 تە ول ۇيالى تەلەفونىنان ۇيىنە حابارلاسىپ، جايىلىمنان ورالىپ كەلە جاتقانىن ايتقان. تاعى ءۇش ساعاتتان كەيىن تەلەفون سوققاندا ول قايدا جۇرگەنىن بىلمەيتىنىن حابارلاعان.
جوعالىپ كەتكەن ەر ادامدى ىزدەۋ جۇمىستارى ەلدى مەكەننىڭ شىعىس جاعىندا، 20 شاقىرىم راديۋسىندا جۇرگىزىلدى. جەرگىلىكتى بەس تۇرعىن مالشىنى كۇن باتقانشا ىزدەدى، ءبىراق اۋا رايى بۇزىلىپ كەتتى. ىزدەۋ جۇمىستارى 18 - اقپان كۇنى جالعاستى.
بۇگىن ولارعا پوليتسيا قىزمەتكەرلەرى قوسىلدى.
