ءا. جاقسىبەكوۆ: استانادا كولىك كەپتەلىسى ماسەلەسى شەشىمىن تاباتىن بولادى

«اۋدان اكىمدەرىنىڭ جۋىردا حالىقپەن كەزدەسۋلەرى كورسەتكەندەي، قوعامدىق كولىكتىڭ جۇمىسىن ۇيىمداستىرۋ، جول قۇرىلىسىنىڭ ساپاسى - ەڭ وتكىر جانە باقىلاۋسىز قالعان ماسەلەلەردىڭ ءبىرى. ءبىزدىڭ مىندەت- جاعدايدى تۇزەۋ. ءبىز قالانىڭ كولىكتەر مودەلىن تۇبەگەيلى وزگەرتۋگە ءتيىسپىز. وسىعان بايلانىستى كولىكتىك باعىتتار وزگەرتىلىپ، ەلەكتروندىق بيلەتتەۋ جۇيەسى ەنگىزىلەدى. ينتەللەكتۋالدىق كولىكتىك جۇيەنى ەنگىزۋ جۇمىسى كەزەڭ- كەزەڭىمەن جۇزەگە اسىرىلادى»، - دەدى ول.

اكىمنىڭ ايتۋىنشا، استانانىڭ وڭ جاعالاۋىنداعى ەسكى اۋدانداردا جولدىڭ كولىك وتكىزۋ دەڭگەيى تومەن.

«قالادا ۇنەمى كەپتەلىستەر بولىپ تۇراتىن 18 جول بولىگى بار. بۇل ماسەلە بارشا استانالىقتاردى الاڭداتادى. سوندىقتان، اكىمدىك، بيىل ءبىرقاتار شارالاردى قولعا الماق.

اتاپ ايتقاندا، 108 شاقىرىم جول سالىنادى. ولاردىڭ قاتارىندا 30 كوشە جانە 11 تۇرعىن ءۇي الابىنداعى 24 شاقىرىم جول بار. سونىمەن قاتار، رەسپۋبليكا داڭعىلىنداعى تاليسمان دۇكەنى الدىندا ەڭ بەلسەندى قوزعالىس اۋماعىنداعى جەراستى جاياۋ جۇرگىنشىلەر جولىن سالۋ قاراستىرىلۋدا، سونداي-اق جەدەل اۆتوبۋستار جەلىسى پايدا بولادى»، - دەپ اتاپ ءوتتى ءا. جاقسىبەكوۆ.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى