وليمپيادا چەمپيونى بولعان العاشقى قازاق بالاسى تۋرالى دەرەكتى فيلم جارىققا شىقتى
فيلمنىڭ رەجيسسەرى - توقتار قارساقبايەۆ. ونىڭ ۇشكەمپىروۆ تۋرالى فيلم تۇسىرۋىنە اتاقتى سپورتشىمەن كەزدەسۋى سەبەپ بولعان. دەرەكتى تۋىندى جاس ۇرپاققا ومىردەگى بارلىق كەدەرگىلەردى جەڭە ءبىلۋدى، بەلگىلى ءبىر جەتىستىككە جەتۋ ءۇشىن ايانباي ەڭبەك ەتۋدى ۇعىندىرادى.
«جەڭىسكە قۇشتارلىق» فيلمىندە پالۋاننىڭ جەكە مۇراعاتىنان الىنعان دەرەكتەر قولدانىلعان. اۆتوبيوگرافيالىق لەنتادا بەلگىلى مەملەكەت جانە قوعام قايراتكەرلەرى، ارتىستەر مەن سپورتشىلار قازاقتان شىققان تۇڭعىش وليمپيادا چەمپيونى تۋرالى ءوز پىكىرلەرىن بىلدىرەدى. ولاردىڭ اراسىندا ق ر مادەنيەت جانە سپورت ءمينيسترى ارىستانبەك مۇحامەدي ۇلى، ك س ر و حالىق ءارتىسى ءاسانالى ءاشىموۆ پەن قازاقستاننىڭ حالىق ءارتىسى روزا رىمبايەۆا، قازاقستان كۇرەس فەدەراتسياسىنىڭ پرەزيدەنتى ساۋات مىڭبايەۆ جانە باسقالار بار.
ەسكە سالا كەتەيىك، جاقسىلىق ۇشكەمپىروۆ تۋرالى دەرەكتى فيلم تۇسىرىلەتىنى وتكەن جىلدىڭ شىلدە ايىندا حابارلانعان ەدى. فيلمنىڭ قازاقستاننىڭ ءتۇرلى وڭىرلەرىندە جانە ماسكەۋ قالاسىندا تۇسىرىلەتىنى ايتىلدى.
«فيلم ونىڭ قانداي ادام بولعانى جايلى سىر شەرتەدى. ءبىز جاقسىلىق ۇشكەمپىروۆپەن وسىدان ءبىر جىل بۇرىن تانىستىق. مەن وسى ۋاقىتقا دەيىن ول جايلى بىردە-ءبىر كينونىڭ تۇسىرىلمەگەنىن ءبىلدىم. ال ول - وليمپيادا چەمپيونى بولعان العاشقى قازاق بالاسى. سوعان قاراماستان، ول - وتە قاراپايىم. ول بۇل اتاقتى ءوز ەڭبەگىنىڭ ارقاسىندا، ۇزدىكسىز جاتتىعۋلاردىڭ ارقاسىندا جەڭىپ الدى. ول ناعىز ەڭبەكقور، بيوروبوت دەپ ايتۋعا بولادى»، - دەگەن بولاتىن رەجيسسەر توقتار قارساقبايەۆ.
