روزا رىمبايەۆا جاس ءانشى جانار دۇعالوۆا تۋرالى پىكىر ايتتى
بۇل تۋرالى پىكىرىن ءانشى baistars.kz سايتىنا بەرگەن سۇحباتىندا جەكىزدى.
«راديو مەن تەلەديداردى قوسىپ قالساڭ، ءبىر-بىرىنە ۇقساس داۋىستار... «مەن» دەپ، كوزگە وتتاي باسىلىپ، تىڭداعاندا تاڭدانىس تۋدىراتىن ءانشىنى اتاۋ قيىن. ءبارى دە فونوگراممامەن «ونەر كورسەتىپ»، ءبىر ءاندى كونسەرتتە دە، تويدا دا ورىنداعانىنا ءماز. وندايلاردى انشىلەردىڭ قاتارىنا جاتقىزبايمىن، «فونەرشيكتەر» عوي... كىم كورىنگەن كوگىلدىر ەكرانعا شىعىپ، «جۇلدىز» اتانىپ ءجۇر. اقشاڭدى بەرسەڭ، سەنى كۇنى-ءتۇنى ەفيردەن كورسەتەدى. شىنتۋايتىنا كەلسەك، ەفير - اركىمنىڭ ءبىر ۋىسىندا كەتتى. وسىدان كەيىن جاستار كىمگە ەلىكتەيدى؟!»، - دەيدى روزا رىمبايەۆا سۇحباتتا.
«ايتكەنمەن، كەيىنگى بۋىننان گاۋھار قاسپاقوۆا، التىناي جورابايەۆالارعا كوڭىلىم تولادى. ولار كەز كەلگەن ءاندى شىرايىن كەلتىرىپ شىرقاي الادى، داۋىس مۇمكىندىكتەرى زور. سونداي-اق، جاقىندا عانا حالىقارالىق بايقاۋدان باس جۇلدەمەن ورالعان جانار دۇعالوۆاعا دا ريزامىن»، دەپ جاس انشىلەردىڭ اراسىنان كىمگە كوڭىلى تولاتىنىن ءبىلدىردى.
