ينتەرپول دۋباي قالاسىندا قولعا تۇسىرگەن ا. گاتاۋللين قازاقستان رەسپۋبليكاسىنا تاپسىرىلدى
بۇل تۋرالى ق ر باس پروكۋراتۋراسىنىڭ باسپا ءسوز قىزمەتى حابارلادى.
قىلمىس جاساعاننان كەيىن گاتاۋللين تەرگەۋدەن جاسىرىنىپ قالعان بولاتىن، وسىعان بايلانىستى شىعىس قازاقستان وبلىسىنىڭ پروكۋراتۋراسى 2014-جىلدىڭ جەلتوقسانىندا حالىقارالىق ىزدەۋگە سانكسيا بەردى. ونى ينتەرپول دۋباي قالاسىندا ۇستادى.
قازاقستان رەسپۋبليكاسى مەن بىرىككەن اراب امىرلىكتەرىنىڭ قۇقىق قورعاۋ ورگاندارىنىڭ جەدەل ءوزارا ءىس-قيمىلىنىڭ ناتيجەسىندە گاتاۋللين قازاقستاندىق تاراپقا بەرىلدى.
