نورۆەگيالىق عالىمدار قازاقتىڭ ارعى تەگىن زەرتتەمەك

ق ر سىرتقى ىستەر مينيسترلىگى باسپا ءسوز قىزمەتىنىڭ مالىمەتىنشە، ءىس-ساپار كەزىندە نورۆەگيالىق دەلەگاتسيا قازاقستان رەسپۋبليكاسىنىڭ مادەنيەت جانە سپورت ءمينيسترى ارىستانبەك مۇحامەدي ۇلىمەن جانە قوستاناي، پاۆلودار، قاراعاندىنىڭ مەملەكەتتىك ۋنيۆەرسيتەتتەرىنىڭ وكىلدەرىمەن كەزدەسۋ وتكىزەدى.

جوباعا قاتىسۋشىلار الدىندا ايتارلىقتاي مىندەت تۇر - ءبىزدىڭ پروتو ۇندى ەۋروپالىق تامىرىمىزدىڭ ورتاقتىعىن دالەلدەۋ. عالىمدار قازاقستاندا قورعان-قورىمداردان د ن ق- ماتەريالدارىن جيناۋمەن اينالىساتىن بولادى. ولاردىڭ ناتيجەسىن الەمگە ايگىلى كوپەنگاگەن ۋنيۆەرسيتەتىنىڭ گەنەتيكالىق لابوراتورياسىندا تالدايدى.

نورۆەگيالىق ماماندار، قازىرگى تەحنولوگيا، ساياحاتشى جانە عالىم تۋر حەيەردالدىڭ (Thor Heyerdahl)، ۆيكينگتەردىڭ ارعى اتالارى كاسپيدەن تارادى دەگەن بولجامىن دالەلدەيدى دەگەن سەنىمدە. نورۆەگيالىق دەلەگاتسيانىڭ قۇرامىندا قازاقستانعا كەلگەن ونىڭ قىزى بەتتينا حەيەردا (Bettina Heyerdahl): «بۇل مەنىڭ اكەمنىڭ سوڭعى ەكسپەديتسياسىنىڭ باستى مىندەتى بولدى. لينگۆيستيكالىق پاراللەلدەرگە سۇيەنە وتىرىپ، ۆيكينگتەردىڭ ارعى اتاسى، ولاردىڭ قۇدايى رەتىندە سانالاتىن وديننىڭ وتانى وسى ايماقتا ەكەندىگىنە ول قاتتى سەندى» - دەيدى.

سونىمەن قاتار، نورۆەگيالىق تاريحشى ستۋرلا ەللينگۆاگ (sturla Ellingvهg): «شامامەن مىڭ جىل بۇرىن ءبىزدىڭ ارعى اتالارىمىزدىڭ ورتالىق ازيا جانە وڭتۇستىك رەسەي ايماعىندا ءبىر وتانى بولدى. قازىرگى عىلىمنىڭ جەتىستىكتەرى ارقاسىندا، ءبىز قازىر ءوزىمىزدىڭ ورتاق ءۇيىمىزدى اشۋعا وتە جاقىنبىز» - دەپ تۇجىرىمدايدى.

جوباعا قاتىسۋشىلار، قازاقستان جانە نورۆەگيا اراسىنداعى ۇزاق مەرزىمدى ىنتىماقتاستىق، ءبىزدىڭ تاريحي اتا-بابالارىمىزدىڭ جانە قازىرگى ۇرپاقتاردىڭ ورتاقتىعىن دالەلدەۋگە مۇمكىندىك بەرەدى دەگەن سەنىمدە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى