مولدا جەردىڭ كۇندى اينالمايتىنىن دالەلدەۋگە تىرىستى

باسىلىمنىڭ مالىمەتىنشە، مولدانىڭ ستۋدەنتتەرگە جەردىڭ كۇندى اينالمايتىنى تۋرالى وقىعان ءدارىسى ۆيدەوعا ءتۇسىرىلىپ، ينتەرنەتتە جاريالاندى. مولدانىڭ مۇنداي تۇجىرىمىن Twitter قولدانۋشىلارى قىزۋ تالقىلادى. شەيح باندار ءال-حايباري ءوزىنىڭ مۇنداي تەورياسىن كورنەكى مىسالمەن دالەلدەۋگە تىرىسقان.

ول الدىمەن جەردىڭ كۇندى اينالمايتىنىنا ءدىني ادەبيەتتەگى دايەكسوزدەرمەن ستۋدەنتتەردىڭ كوزىن جەتكىزۋگە تىرىسقان، سودان كەيىن ناقتى مىسال كەلتىرۋگە كوشتى. «جەر كۇندى اينالمايدى، ەگەر اينالاتىن بولسا، قىتاي دا اينالىپ، وعان ۇشاق ەشقاشان ۇشىپ جەتە الماس ەدى»، - دەپ سەندىردى مولدا.

ايتا كەتەيىك، شەيح باندار ءال-ءحايباريدىڭ ناقتى قاي وقۋ ورنىندا ءدارىس وقىعانى بەلگىسىز. الايدا ونىڭ al-Haramain قايىرىمدىلىق ۇيىمىنىڭ ساۋد فيليالىن باسقاراتىنى انىقتالدى، بۇل ۇيىم مۇسىلمان ەلدەرىندە كەدەيلەرگە ءبىلىم بەرۋ ماسەلەلەرىمەن اينالىسادى (مەكتەپ جانە يسلامدى وقىتۋ ورتالىقتارىنىڭ قۇرىلىسى).

tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى